തമിഴ് സംവിധായകന്‍ മണി നാഗരാജ് അന്തരിച്ചു

തമിഴ് സംവിധായകൻ മണി നാ​ഗരാജ് അന്തരിച്ചു. ഹൃദയാഘാതത്തെ തുടർന്നായിരുന്നു അന്ത്യം. പുതുതായി സംവിധാനം ചെയ്ത ‘വാസുവിൻ ​ഗർഭിണികൾ‘ എന്ന ചിത്രത്തിന്റെ റിലീസ് കാത്തിരിക്കേയാണ് അദ്ദേഹത്തിന്റെ മരണം.

‘സക്കറിയയുടെ ഗർഭിണികൾ’ എന്ന മലയാള ചിത്രത്തിന്റെ തമിഴ് റീമേക്കാണ് ‘വാസുവിൻ ഗർഭിണികൾ’. നീയാ നാനാ ​ഗോപിനാഥ്, സീത, വനിത വിജയകുമാർ, അനിഖ സുരേന്ദ്രൻ എന്നിവർ പ്രധാന വേഷത്തിലെത്തുന്ന ചിത്രത്തിന്റെ പോസ്റ്റ് പ്രൊഡക്ഷൻ ജോലികളിലായിരുന്നു മണി നാ​ഗരാജ്.

Also Read: വിജയ് ദേവരകൊണ്ടയ്ക്ക് അടിപതറിയോ?: ലൈ​ഗർ ആദ്യ ദിന പ്രതികരണങ്ങൾ

ഗൗതം വാസുദേവ് മേനോന്റെ സംവിധാന സഹായിയായിരുന്ന മണി 2016ൽ ജി വി പ്രകാശിനെ നായകനാക്കി ‘പെൻസിൽ‘ എന്ന ചിത്രം സംവിധാനം ചെയ്തുകൊണ്ടാണ് സ്വതന്ത്ര സംവിധായകനാവുന്നത്. അദ്ദേഹത്തിന്റെ മരണത്തിൽ തമിഴ് ചലച്ചിത്രമേഖലയിലെ നിരവധി പേർ അനുശോചിച്ചു.