മാധുരി ഡാൻസ് കളിച്ച പാട്ടിന്റെ വരികൾ കണ്ട് നാണക്കേട് തോന്നി, പാടാൻ മടിയായിരുന്നു: അൽക്ക

മാധുരി ദീക്ഷിതിന്റെ സൂപ്പർ ഹിറ്റ് ​ഗാനത്തിന് ചുവട് വെക്കാൻ നാണക്കേട് തോന്നിയിരുന്നുവെന്ന് വ്യക്തമാക്കി പ്രശസ്ത ​ഗായിക അൽക്ക.

മാധുരിയുടെ എക്കാലത്തെയും വമ്പൻ ഹിറ്റുകളിലൊന്നായ ചോളി കേ പീച്ചേ എന്ന ​ഗാനത്തിനെക്കുറിച്ചാണ് അൽക്ക ഇത്തരത്തിൽ പറഞ്ഞത്. ​ഗാനം പുറത്തിറങ്ങി 30 വർഷത്തിന് ശേഷമായി, എങ്കിലും അതോർക്കുമ്പോൾ ഇപ്പോഴും തനിക്ക് എന്തോ പോലെ തോന്നാറുണ്ടെന്നും ​ഗായിക വ്യക്തമാക്കി.

പാട്ട് എഴുതിയത് വായിച്ചപ്പോൾ അന്ന് വല്ലാത്ത നാണക്കേട് തോന്നി, വരികളുടെ അർഥം കണ്ടപ്പോഴാണ് ചമ്മൽ തോന്നിയത്. ഇതെന്ത് വരികളാണെന്നാണ് ആദ്യം ഓർത്തത്, ഇതെങ്ങനെ പാടി തീർക്കുമെന്നും ആശങ്കയായിപ്പോയി. സഹ ​ഗായികയായ ഇളയുടെ വരികൾ എനിക്ക് കിട്ടിയില്ലായിരുന്നതിനാൽ പാട്ടിന്റെ മുഴുവൻ അർഥവും അറിഞ്ഞുമില്ല. ലൈവ് റെക്കോർഡിംങ് രീതി പരീക്ഷിക്കാനായിരുന്നു തീരുമാനം. പാടി പാടി വന്നപ്പോൾ നന്നായി ആസ്വദിച്ചെന്നും നാണം തോന്നിയത് മാറിയെന്നും അൽക്ക വ്യക്തമാക്കി.

​ഗാനം 30 വർഷങ്ങളോളം ആയിട്ടും ആളുകൾ മറന്നില്ല, ആദ്യത്തെ ചമ്മൽ കഴിഞ്ഞ് അത്ര നന്നായി പാടി തീർത്ത പാട്ടാണെന്നും അൽക്ക പറഞ്ഞു. ഇന്നും ആളുകൾ ​ഗാനം ആസ്വദിക്കുന്നു, പാടുന്നു എന്നതിൽ സന്തോഷമുണ്ടെന്നും ​ഗായിക.