പഞ്ചാബ് ഇലവനെ അടിതെറ്റിച്ച് ഗുജറാത്ത് ലയണ്‍സ്

മൊഹാലി: സുരേഷ് റെയ്‌നയുടെ നായകത്വത്തില്‍ കന്നി മത്സരത്തിനിറങ്ങിയ ഗുജറാത്ത് ലയണ്‍സിന് കിങ്‌സ് ഇലവന്‍ പഞ്ചാബിനെതിരെ അഞ്ച് വിക്കറ്റിന്റെ ജയം. 14 പന്തുകള്‍ ബാക്കിനില്‍ക്കെയാണ് പഞ്ചാബ് ഉയര്‍ത്തിയ 162 റണ്‍സ് ലക്ഷ്യം അഞ്ച് വിക്കറ്റ് നഷ്ടത്തില്‍ ഗുജറാത്ത് മറികടന്നത്. ആരോണ്‍ ഫിഞ്ചിന്റെ അര്‍ധ സെഞ്ച്വറിയും പുറത്താകാതെ നിന്ന ദിനേശ് കാര്‍ത്തിക്കിന്റെ പ്രകടനവുമാണ് ഗുജറാത്തിനെ വിജയികളാക്കിയത്.

മുരളീ വിജയ് (42), വേറാ (38), സ്‌റ്റോനിസ് (33) എന്നിവരുടെ ഇന്നിങ്ങ്‌സ് ബലത്തിലാണ് നിശ്ചിത 20 ഓവറില്‍ പഞ്ചാബ് കിങ്ങ്‌സ് ഇലവന്‍ 161 റണ്‍സെടുത്തത്. 5.50 ശരാശരിയില്‍ 4 വിക്കറ്റുകള്‍ വീഴ്ത്തിയ ബ്രാവോയ്ക്ക് മികച്ച പിന്തുണ നല്‍കുന്നതില്‍ മറ്റു ബോളര്‍മാര്‍ പരാജയപ്പെട്ടതാണ് പഞ്ചാബിന്റെ റണ്‍സുയര്‍ത്തിയത്. രവീന്ദ്ര ജഡേജ 2 വിക്കറ്റ് വീഴ്ത്തി.