മികച്ച ബൗളിംഗ് പ്രകടനങ്ങളിലൂടെ ചുരുങ്ങിയ കാലത്തിനുള്ളില്‍ പേരെടുത്ത ക്രിക്കറ്റര്‍ ആയിരുന്നു ഒരുകാലത്ത്‌ ശ്രീശാന്ത്. എന്നാല്‍ ഐ പി എല്ലിലെ കോഴക്കറ പുരണ്ടപ്പോള്‍ ശ്രീയുടെ ക്രിക്കറ്റ് കരിയറിന് തീരശീല വീണു. പിന്നീട് കുറ്റവിമുക്തനാക്കപ്പെട്ട ശ്രീശാന്ത്, കഠിനമായ പരിശീലനമൊക്കെ തുടങ്ങി. പക്ഷേ കളിയിലേക്കുള്ള വരവ് പിന്നെയും നീളുന്നതാണ് കണ്ടത്. കാര്യങ്ങള്‍ ഇങ്ങനെയൊക്കെയാണെങ്കിലും, ശ്രീശാന്തിന്റെ ക്രിക്കറ്റ് കരിയറിനെക്കുറിച്ചാണ് ഏവര്‍ക്കുമറിയേണ്ടത്.
ഇതുസംബന്ധിച്ച ആകാംക്ഷകള്‍ക്ക് ശ്രീശാന്തിന്റെ വാക്കുകള്‍ തന്നെ വിരാമമിടുകയാണ്. ഏഷ്യാനെറ്റിലെ ബഡായി ബംഗ്ലാവ് പരിപാടിയില്‍ പങ്കെടുക്കവെയാണ് ശ്രീശാന്ത് ഇക്കാര്യം സൂചിപ്പിച്ചത്. തനിക്കൊരു സ്വപ്നമുണ്ടെന്ന് ശ്രീശാന്ത് പറഞ്ഞപ്പോള്‍, അതിന്റെ ഇപ്പോഴത്തെ സ്ഥിതി എന്താണെന്ന് മുകേഷിന്റെ ചോദ്യം. ഇതിന് മറുപടിയായി ശ്രീശാന്ത് പറഞ്ഞത്, ആ സ്വപ്നം യാഥാര്‍ത്ഥ്യമാകുന്നത് 90-95 ശതമാനം ഓ.ക്കെയാണെന്നാണ്.
Leave a Comment