ഇസ്ലാമാബാദ്● പാക് ഇന്റര്‍നാഷണല്‍ എയര്‍ലൈന്‍സ് (പി.ഐ.എ)വിമാനം തകര്‍ന്നുവീണു 47 പേര്‍ കൊല്ലപ്പെട്ടു. അബോട്ടാബാദിന് സമീപമാണ് വിമാനം തകര്‍ന്നുവീണത്. പാക് തലസ്ഥാനമായ ഇസ്ലാബാബാദില്‍ നിന്ന് വടക്കന്‍ നഗരമായ ചിത്രലിലേക്ക് പോയ പി.ഐ.എയുടെ PK-661 വിമാനമാണ് അപകടത്തില്‍പ്പെട്ടത്.
ഉച്ചതിരിഞ്ഞ് 3.30 ന് ഇസ്ലാമാബാദില്‍ നിന്ന് പറന്നുയര്‍ന്ന വിമാനം ഏതാനും സമയത്തിന് ശേഷം റഡാറില്‍ നിന്ന് അപ്രത്യക്ഷമാകുകയായിരുന്നു. എ.ടി.ആര്‍-42 ഇനത്തിലുള്ള വിമാനം എന്‍ജിന്‍ തകാരാറിനെ തുടര്‍ന്നാണ് അപകടത്തില്‍പ്പെട്ടതെന്നാണ് പ്രാഥമിക നിഗമനം.
തകര്‍ന്ന വിമാനത്തില്‍ പ്രസിദ്ധ പാക് ഗായകന്‍ ജുനൈദ് ജംശേദും ഉണ്ടായിരുന്നതായി റിപ്പോര്‍ട്ടുണ്ട്. സൈന്യവും രക്ഷാപ്രവര്‍ത്തകരും അപകടസ്ഥലത്തേക്ക് തിരിച്ചിട്ടുണ്ട്. കൂടുതല്‍ വിവരങ്ങള്‍ അറിവായിട്ടില്ല.
Post Your Comments