ഫ്രീ കോളും ഇന്റർനെറ്റും; പുതിയ പദ്ധതിയുമായി കേന്ദ്ര സർക്കാർ

പുതിയ പദ്ധതിയുമായി സർക്കാർ. യുവാക്കൾക്കു സൗജന്യ ഫോൺകോളും ഇന്റർനെറ്റും ഓഫർ ചെയ്യുന്ന പുതിയ പദ്ധതിയുമായി സർക്കാർ രംഗത്ത്. കേന്ദ്ര സർക്കാറിന്റെ ഡിജിറ്റൽ ഇന്ത്യ പദ്ധതിയിൽപ്പെടുത്തി പുതിയ പദ്ധതി ആവിഷ്കരിക്കുന്നത് ഗോവ സർക്കാരാണ്. ഗോവയെ പിന്തുടർന്ന് രാജ്യത്തെ മറ്റു സംസ്ഥാനങ്ങളും ഈ സൗജന്യ ടെലികോം പദ്ധതി നടപ്പാക്കാനാണു സാധ്യത.
ഗോവ സർക്കാർ ഇത്തരമൊരു പദ്ധതി കൊണ്ടുവരുന്നത് റിലയൻസ് ജിയോയുടെ വെൽകം ഓഫറിന്റെ ചുവടുപിടിച്ചാണ്. വോഡഫോണുമായി ചേർന്നാണ് ഈ പദ്ധതി നടപ്പാക്കുന്നത്. ഇവയിലൂടെ സൗജന്യ സിം, സൗജന്യ കോളുകൾ, സൗജന്യ ഇന്റർനെറ്റ് എന്നിവ നൽകും.ഗോവയിലെ 1.25 ലക്ഷം യുവാക്കളെ പദ്ധതിയിൽ ഉൾപെടുത്തുമെന്നാണ് റിപ്പോർട്ടുകൾ പറയുന്നത്.
പദ്ധതിയിൽ ഉൾപ്പെടുത്തുക 16നും 30നും ഇടയിൽ പ്രായമുള്ളവരെയാണ്. 100 മിനിറ്റ് സൗജന്യ ടോക് ടൈം, 3 ജിബി ഡേറ്റ എന്നിവയാണ് സൗജന്യ പദ്ധതിയുടെ പരിധിയിൽവരിക. ഗോവ യുവസഞ്ചാർ യോജന എന്നാണ് പദ്ധതി അറിയപ്പെടുക. മറ്റു സംസ്ഥാനങ്ങൾ ഈ പദ്ധതിയുടെ വിജയസാധ്യത നിരീക്ഷിക്കുകയാണ്. ഗോവയിലെങ്കിലും റിലയൻസിനു ഭീഷണിയായിരിക്കുകയാണ് സർക്കാറിന്റെ ഈ സൗജന്യ ടെലികോം പദ്ധതി.