Crime

തിരുവനന്തപുരത്ത് സംഘര്‍ഷം; അഞ്ച് ബിജെപി പ്രവര്‍ത്തകര്‍ക്ക് വെട്ടേറ്റു

തിരുവനന്തപുരം: പുതുവര്‍ഷാഘോഷത്തിനിടെ ഉണ്ടായ സംഘര്‍ഷത്തില്‍ അഞ്ച് ബിജെപി പ്രവര്‍ത്തകര്‍ക്ക് വെട്ടേറ്റു.
ഇന്ന് പുലര്‍ച്ചെ വെഞ്ഞാറമൂട്ടിലായിരുന്നു സംഭവം. ഇവരെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

പരിക്കേറ്റവരില്‍ രണ്ട് പേരുടെ നില ഗുരുതമാണ്.

തലക്ക് വെട്ടേറ്റ അശ്വിന്‍, മനോജ് എന്നിവര്‍ക്കാണ് ഗുരുതരാവസ്ഥയുള്ളത്. ഇന്നലെ രാത്രി 12 മണിക്കാണ് സംഘര്‍ഷമുണ്ടായത്. ബിജെപി പ്രവര്‍ത്തകര്‍ നിന്ന സ്ഥലത്തേക്ക് പുതുവര്‍ഷാഘോഷവുമായി ഒരു കൂട്ടം യുവാക്കള്‍ എത്തുകയും ഇവര്‍ തമ്മില്‍ വാക്കേറ്റമുണ്ടാകുകയും ചെയ്തു. പിന്നീട് സംഘമായെത്തി ഇരുവിഭാഗവും ഏറ്റുമുട്ടുകയായിരുന്നു. നാല് ഡിെൈവഎഫ്‌ഐ പ്രവര്‍ത്തകര്‍ പോലീസ് കസ്റ്റഡിയിലുണ്ട്. സ്ഥലത്ത് പോലീസ് സംഘം ക്യാമ്പ് ചെയ്യുന്നുണ്ട്.

ഈസ്റ്റ് കോസ്റ്റ് ഡെയ്ലി വാർത്തകൾ ടെലഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക

Tags

Related Articles

Post Your Comments


Back to top button
Close
Close