വാട്സ്ആപ്പ് സ്റ്റാറ്റസുകൾക്കും റിയാക്ഷൻ ഫീച്ചർ, പുതിയ അപ്ഡേറ്റ് ഉടൻ എത്തും

വാട്സ്ആപ്പിലെ സ്റ്റാറ്റസുകൾക്ക് ഇമോജി റിയാക്ഷൻ നൽകാനുള്ള അപ്ഡേറ്റ് അവതരിപ്പിക്കാൻ ഒരുങ്ങുകയാണ് ജനപ്രിയ മെസേജിംഗ് പ്ലാറ്റ്ഫോമായ വാട്സ്ആപ്പ്. റിപ്പോർട്ടുകൾ പ്രകാരം, ആൻഡ്രോയ്ഡ് ഫോണുകളിലാണ് ഈ സേവനം ഉടൻ ലഭ്യമാകുന്നത്. സ്നേഹം, ചിരി, ഇഷ്ടം, സങ്കടം തുടങ്ങി വ്യത്യസ്ഥ ഇമോജികൾ ഉള്ള റിയാക്ഷനാണ് നൽകാൻ കഴിയുക.

ഗൂഗിൾ പ്ലേ ബീറ്റ പ്രോഗ്രാം വഴി ലഭ്യമാകുന്ന ആൻഡ്രോയിഡ് ബീറ്റ 2.22.16.10 അപ്‌ഡേറ്റുള്ള വാട്ട്‌സ്ആപ്പിലാണ് ഈ ഫീച്ചർ ഇപ്പോൾ ലഭ്യമായിട്ടുള്ളത്. അതേസമയം, മൈക്രോസോഫ്റ്റ് സ്റ്റോറിൽ നിന്ന് വിൻഡോസ് 2.2227.2.0-നുള്ള ഏറ്റവും പുതിയ വാട്സ്ആപ്പ് ബീറ്റ ആപ്പ് ഇൻസ്റ്റാൾ ചെയ്യുന്ന ഉപയോക്താക്കൾക്കും ഈ അപ്‌ഡേറ്റ് ലഭ്യമാകും.

Also Read: റോ​ഡ് മു​റി​ച്ചു​ക​ട​ന്ന വി​ദ്യാ​ർ​ത്ഥിക്കു വാ​ഹ​നം ത​ട്ടി പ​രി​ക്കേ​റ്റു

അധികം വൈകാതെ സ്റ്റാറ്റസ് റിയാക്ഷനുകൾ എല്ലാ ഉപയോക്താക്കളിലേക്കും എത്തിക്കാനാണ് വാട്സ്ആപ്പിന്റെ ശ്രമം. പ്രധാനമായും 8 ഇമോജികൾ ഉപയോഗിച്ചാണ് റിയാക്ഷൻ നൽകാൻ സാധിക്കുക.