വടക്കാഞ്ചേരി: അത്താണി റെയിൽവേ മേൽപാലത്തിനടിയിൽ വൻ അഗ്നിബാധ. സ്വകാര്യ വ്യക്തിയുടെ ഉടമസ്ഥതയിലുള്ള പറമ്പിൽ ആണ് തീപിടുത്തമുണ്ടായത്. റെയിൽവേ ട്രാക്കിനോട് ചേർന്ന പ്രദേശത്തെ തീപിടിത്തം ജനങ്ങളിൽ പരിഭ്രാന്തി പരത്തി.
Read Also : പ്രവാസികൾക്ക് ആശ്വാസം: യുഎഇയിൽ ഇന്ത്യൻ പാസ്‌പോർട്ട് സേവനം ആഴ്ചയിൽ 7 ദിവസവും ലഭ്യമാകും
ആനേടത്ത് മഹാവിഷ്ണു ക്ഷേത്രത്തിന് പിറക് വശത്താണ് തീപിടിത്തം ഉണ്ടായത്. ഉണങ്ങിയ പുല്ലുകളും അടിക്കാടുകളും ആണ് കത്തിനശിച്ചത്. തുടർന്ന്, വടക്കാഞ്ചേരിയിൽ നിന്നെത്തിയ അഗ്നിരക്ഷാസേനയും നാട്ടുകാരും ചേർന്ന് ഏറെ നേരത്തേ പരിശ്രമത്തിനൊടുവിലാണ് തീയണച്ചത്.
കഴിഞ്ഞ വർഷവും മേഖലയിൽ സമാനമായ രീതിയിൽ അഗ്നിബാധയുണ്ടായിരുന്നു.
Post Your Comments