ചിത്രങ്ങൾ ഇനി കിടിലൻ ക്വാളിറ്റിയിൽ പകർത്താം, 64 എംബി ക്യാമറയുമായി ഐക്യുവിന്റെ പുതിയ ഹാൻഡ്സെറ്റ് എത്തി

ചുരുങ്ങിയ കാലയളവ് കൊണ്ട് ഇന്ത്യൻ വിപണി കീഴടക്കിയ സ്മാർട്ട്ഫോൺ നിർമ്മാതാക്കളാണ് ഐക്യു. ഹാൻഡ്സെറ്റുകളിൽ മികച്ച ഫീച്ചറുകൾ ഉൾപ്പെടുത്തുന്നതിനാൽ സ്മാർട്ട്ഫോൺ പ്രേമികളുടെ ഇഷ്ട ബ്രാൻഡായി ഐക്യു ഇതിനോടകം മാറിയിട്ടുണ്ട്. കിടിലൻ ക്വാളിറ്റിയിൽ ചിത്രങ്ങൾ പകർത്താൻ ആഗ്രഹിക്കുന്നവർക്ക് മിഡ്- റേഞ്ചിൽ സ്വന്തമാക്കാൻ സാധിക്കുന്ന ഐക്യുവിന്റെ പുതിയ ഹാൻഡ്സെറ്റാണ് IQOO Z7s. നിലവിൽ, ഈ ഹാൻഡ്സെറ്റ് ഇന്ത്യൻ വിപണിയിലും ലഭ്യമാണ്. പ്രധാന ഫീച്ചറുകളെ കുറിച്ച് അറിയാം.

6.38 ഇഞ്ച് ഫുൾ എച്ച്ഡി പ്ലസ് അമോലെഡ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 90 ഹെർട്സ് റിഫ്രഷറ്റും, 360 ഹെർട്സ് ടച്ച് സാംപ്ലിംഗ് റേറ്റും നൽകിയിട്ടുണ്ട്. സ്നാപ്ഡ്രാഗൺ 695 ആണ് ഈ പുതുപുത്തൻ ഫോണിലെ ചിപ്സെറ്റ്. 64 മെഗാപിക്സൽ പ്രൈമറി ക്യാമറയാണ് പിന്നിൽ നൽകിയിട്ടുള്ളത്. 16 മെഗാപിക്സലാണ് സെൽഫി ക്യാമറ. 44 വാട്സ് ഫാസ്റ്റ് ചാർജിംഗിനെ പിന്തുണയ്ക്കുന്ന ഈ സ്മാർട്ട്ഫോണിന്റെ ബാറ്ററി ലൈഫ് 4,500 എംഎഎച്ച് ആണ്. വെറും 25 മിനിറ്റിനുള്ളിൽ 50 ശതമാനം വരെ ഫോൺ ചാർജ് ചെയ്യാൻ കഴിയും.

Also Read: പ്രതിയുടെ കുത്തേറ്റ് കൊല്ലപ്പെട്ട യുവ ഡോക്ടര്‍ വന്ദന ദാസിന്റെ വീട് സന്ദര്‍ശിച്ച് കേന്ദ്ര മന്ത്രി സ്മൃതി ഇറാനി

പ്രധാനമായും രണ്ട് സ്റ്റോറേജ് വേരിയന്റുകളിലാണ് IQOO Z7s വാങ്ങാൻ സാധിക്കുക. 6 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉള്ള ഹാൻഡ്സെറ്റ് 18,999 രൂപയ്ക്കും, 18 ജിബി റാം പ്ലസ് 128 ജിബി ഇന്റേണൽ സ്റ്റോറേജ് ഉള്ള ഹാൻഡ്സെറ്റ് 19,999 രൂപയ്ക്കും വാങ്ങാൻ സാധിക്കും. കൂടാതെ, ആമസോണിലും മറ്റ് ഇ-കൊമേഴ്സ് പ്ലാറ്റ്ഫോമുകളിലും മികച്ച ഓഫറുകൾ IQOO Z7s സ്മാർട്ട്ഫോണുകൾക്ക് വാഗ്ദാനം ചെയ്യുന്നുണ്ട്.