ആലുവ: ആലുവയിൽ അന്യമതസ്ഥനായ സഹപാഠിയുമായുള്ള പ്രണയ ബന്ധത്തിന്‍റെ പേരിൽ പിതാവ് വിഷം നൽകി കൊലപ്പെടുത്താൻ ശ്രമിച്ച മകൾ മരിച്ചു. 14കാരിയാണ് ആശുപത്രിയിൽ ചികിത്സയ്ക്കിടെ മരിച്ചത്. സംഭവത്തിൽ കരുമാലൂർ സ്വദേശിയായ പിതാവിനെ പോലീസ് നേരത്തെ അറസ്റ്റ് ചെയ്തിരുന്നു. പിതാവിന്‍റെ ക്രൂരമർദനമേറ്റ കുട്ടി അത്യാസന്ന നിലയിൽ ചികിത്സയിൽ കഴിയുന്നതിനിടെയാണ് മരിച്ചത്. സംഭവത്തിൽ പിണറായി സർക്കാരിനെ വിമർശിച്ച് കേന്ദ്രമന്ത്രി വി മുരളീധരൻ. ഒൻപതാം ക്ലാസുകാരിയുടെ വായിൽ ബലമായി കീടനാശിനിയൊഴിച്ച് കൊലപ്പെടുത്തിയയാളുടെ മതം ഇവിടെ പറയുന്നില്ലെന്ന് മുരളീധരൻ ഫേസ്‌ബുക്കിൽ കുറിച്ചു. പിണറായി ഭരണത്തിന്‍റെ ബദല്‍ മോഡലാണ് ആലുവയില്‍ കണ്ടതെന്ന് മുരളീധരൻ വിമർശിച്ചു.
അതേസമയം, കഴിഞ്ഞ ബുധനാഴ്ചയായിരുന്നു സംഭവം. മകൾ അന്യമതസ്ഥനായ സഹപാഠിയുമായി പ്രണയത്തിലാണെന്ന് പിതാവ് മനസിലാക്കിയിരുന്നു. ഇതിനെ എതിർത്തു. കഴിഞ്ഞ ദിവസം മകളുടെ കൈയിൽനിന്ന് മൊബൈൽ ഫോൺ കണ്ടെടുത്തു. ഇത് അടുപ്പക്കാരനായ വിദ്യാർഥി നൽകിയതാണെന്ന ധാരണയിൽ പിതാവ് ആൺകുട്ടിയുടെ വീട്ടിലെത്തി സംസാരിച്ചിരുന്നു. തുടർന്ന് വീട്ടിലെത്തി ഇതേച്ചൊല്ലി വഴക്കായി. കുട്ടിയുടെ മാതാവിനേയും ഇളയ മകനേയും വീടിന് പുറത്താക്കി പെൺകുട്ടിയെ പിതാവ് കമ്പിവടികൊണ്ട് ക്രൂരമായി മർദ്ദിച്ച ശേഷം വായിൽ വിഷം ഒഴിക്കുകയായിരുന്നു.
വി മുരളീധരന്റെ ഫേസ്‌ബുക്ക് പോസ്റ്റ്:
ആലുവയില്‍ ദുരഭിമാനക്കൊല……
ഇതരമതസ്ഥനെ പ്രണയിച്ചതിന് പെണ്‍കുട്ടിയെ പിതാവ് വിഷം കൊടുത്ത് കൊന്നു..!
പിണറായി വിജയന്‍ ഭരിക്കുന്ന കേരളത്തിലാണ്..
‘വിദ്വേഷപ്രചാരണത്തിനെതിരെ ‘ പോരാട്ടം നടത്തുന്ന മുഖ്യമന്ത്രിയാണ്..
സനാതനധര്‍മത്തെ ഉന്‍മൂലനം ചെയ്യണമെന്ന് പറയുന്നവരുടെ സുഹൃത്താണ്…
ആധുനിക കേരളത്തിൻ്റെ “അഭിനവ നവോത്ഥാന നായകനാണ് “!
‘മതനിരപേക്ഷതയുടെ ലോക മോഡല്‍’ എന്ന് സ്വയം വിശേഷിപ്പിക്കുന്ന ഭരണമാണ്…
മതതീവ്രവാദികളെ വിമര്‍ശിച്ചാല്‍ കേസെടുക്കുന്ന സര്‍ക്കാരാണ്…
ഒൻപതാം ക്ലാസുകാരിയുടെ വായിൽ ബലമായി കീടനാശിനിയൊഴിച്ച് കൊലപ്പെടുത്തിയയാളുടെ മതം ഇവിടെ പറയുന്നില്ല…
പിണറായി ഭരണത്തിന്‍റെ ബദല്‍ മോഡലാണ് ആലുവയില്‍ കണ്ടത്…!
ദുരഭിമാനക്കൊലയിൽ സാംസ്ക്കാരിക കേരളം മൗനമായിരിക്കണം..
കാരണം ഭരിക്കുന്നത് മോദിയോ യോഗിയോ അല്ല !
#HonourKilling
Leave a Comment