മുംബൈ : ബിഎസ്എൻഎൽ രണ്ട് റീചാർജ് പ്ലാനുകളുടെ വാലിഡിറ്റി വർദ്ധിപ്പിക്കാൻ തീരുമാനിച്ചു. മാതൃദിനത്തോടനുബന്ധിച്ചാണ് റീചാർജ് പ്ലാനുകളുടെ വാലിഡിറ്റി 29 ദിവസത്തേക്ക് നീട്ടിയത്. ഇതിനുപുറമെ 120 രൂപ വരെ കിഴിവിൽ മൂന്ന് റീചാർജ് പ്ലാനുകളും ഉപയോക്താക്കൾക്ക് വാഗ്ദാനം ചെയ്യുന്നു.
ബിഎസ്എൻഎൽ അവരുടെ ഔദ്യോഗിക എക്സ് അക്കൗണ്ട് വഴിയാണ് ഈ വിവരം നൽകിയിരിക്കുന്നത്. 1999 രൂപയുടെയും 1499 രൂപയുടെയും പ്രീപെയ്ഡ് പ്ലാനുകളിൽ കൂടുതൽ വാലിഡിറ്റി നൽകുമെന്ന് ബിഎസ്എൻഎൽ വാഗ്ദാനം ചെയ്തിട്ടുണ്ട്.
മെയ് 7 മുതൽ മെയ് 14 വരെ ബി‌എസ്‌എൻ‌എല്ലിന്റെ വെബ്‌സൈറ്റിൽ നിന്നോ സെൽഫ് കെയർ ആപ്പിൽ നിന്നോ ഉപയോക്താക്കൾ അവരുടെ നമ്പർ റീചാർജ് ചെയ്യുകയാണെങ്കിൽ, ഈ രണ്ട് പ്രീപെയ്ഡ് പ്ലാനുകളിലും മുമ്പത്തേക്കാൾ കൂടുതൽ വാലിഡിറ്റി വാഗ്ദാനം ചെയ്യുമെന്ന് കമ്പനിയുടെ പോസ്റ്റ് പറയുന്നു. മെയ് 11 ഞായറാഴ്ച മാതൃദിനത്തോടനുബന്ധിച്ച് ബിഎസ്എൻഎൽ ഈ ഓഫറിന്റെ ആനുകൂല്യം ഉപയോക്താക്കൾക്ക് നൽകി.
Leave a Comment