ഗുവാഹത്തി : മാനസിക വെല്ലുവിളി നേരിടുന്ന യുവതിയെ കൂട്ടബലാത്സംഗം ചെയ്ത സംഭവത്തില്‍ രണ്ട് ജയില്‍ ഉദ്യോഗസ്ഥര്‍ അറസ്റ്റിലായി. ഹരേശ്വര്‍ കലിത, ഗജേന്ദ്ര കലിത എന്നിവരാണ് അറസ്റ്റിലായത്. യുവതിയെ ജയില്‍ കോമ്പൗണ്ടിനുളളിലെ ക്വാട്ടേഴ്‌സിലേക്ക് വലിച്ചിഴച്ച് കൊണ്ടുപോയി ബലാത്സംഗം ചെയ്തതാണ് എന്നാണ് റിപ്പോര്‍ട്ട്.
അസമിലെ ശ്രീഭൂമി ജില്ലയിലാണ് സംഭവം. നൈറ്റ് പട്രോളിംഗ് സംഘമാണ് പ്രതികളായ ജയില്‍ ഉദ്യോഗസ്ഥരെ പിടികൂടിയത്. നാല്‍പ്പത്തിയഞ്ചിനും അമ്പതിനുമിടയില്‍ പ്രായമുളളവരാണ് പ്രതികളെന്ന് പൊലീസ് പറഞ്ഞു. ബലാത്സംഗത്തിനിരയായ യുവതിയെ ചികിത്സയ്ക്കായി ആശുപത്രിയില്‍ പ്രവേശിപ്പിച്ചിട്ടുണ്ടെന്ന് പൊലീസ് അറിയിച്ചു.
അതേസമയം പ്രതികളെ ഉടന്‍ കോടതിയില്‍ ഹാജരാക്കും. വിവരം ലഭിച്ചയുടന്‍ പൊലീസ് സംഘം സ്ഥലത്തെത്തി പ്രതികളെ കസ്റ്റഡിയിലെടുത്തെന്നും കേസ് രജിസ്റ്റര്‍ ചെയ്തിട്ടുണ്ടെന്നും ശ്രീഭൂമി അഡീഷണല്‍ പൊലീസ് സൂപ്രണ്ട് പ്രണബ് ജ്യോതി കലിത പറഞ്ഞു.
Leave a Comment