പ്രഭാത സവാരിക്കിറങ്ങിയ സംഘത്തെ വാൻ ഇടിച്ചു; ഒരാൾ മരിച്ചു

അപകടത്തിപെട്ടത് പതിവായി പ്രഭാത സവാരിക്കിറങ്ങുന്ന സംഘമാണ്. കൊട്ടാരക്കര – പുത്തൂർ റോഡിൽ പണയിൽ ക്ഷേത്രത്തിന്റെ പുതിയ റോഡ് വന്ന് നിൽക്കുന്ന ഭാഗത്തായിരുന്നു അപകടം. റോഡരികിൽക്കൂടി നടന്ന് നീങ്ങിയ സംഘത്തെ കൊട്ടാരക്കര ഭാഗത്ത് നിന്നും വന്ന പിക്കപ്പ് വാഹനം ഇടിച്ച് തെറിപ്പിക്കുകയായിരുന്നു. അതിനു ശേഷം വാൻ നിർത്താതെ പോവുകയായിരുന്നു. പാൽ കൊണ്ടുപോകുന്ന വാഹനമാണെന്നാണ് ദൃക്സാക്ഷികൾ പറഞ്ഞത്. ഇടിയെ തുടർന്ന് റോഡിനോട് ചേർന്ന തോട്ടിലേക്ക് ലതിക തെറിച്ചു വീണു. ഓടിക്കൂടിയവർ നാല് പേരെയും കൊട്ടാരക്കര താലൂക്ക് ആശുപത്രിയിലെത്തിച്ചു. ഇവിടെ നിന്നും ലതികയെ മീയണ്ണൂരിലെ സ്വകാര്യ മെഡിക്കൽ കോളേജ് ആശുപത്രിയിലേക്ക് മാറ്റിയെങ്കിലും ജീവൻ രക്ഷിക്കാനായില്ല. കൊട്ടാരക്കര പൊലീസ് കേസെടുത്തു.