സർക്കാർ ജീവനക്കാരുടെയും പെൻഷൻകാരുടെയും ക്ഷാമബത്ത വർധിപ്പിച്ചു

തിരുവനന്തപുരം: സര്‍ക്കാര്‍ ജീവനക്കാരുടെയും പെന്‍ഷന്‍കാരുടെയും ക്ഷാമബത്ത രണ്ട് ശതമാനം വര്‍ധിപ്പിക്കാന്‍ തീരുമാനം. 2017 ജനുവരി മുതല്‍ മുന്‍കാല പ്രാബല്യത്തോടെയാണ് ക്ഷാമബത്ത നൽകുന്നത്. പെന്‍ഷന്‍കാര്‍ക്ക് ഈ തുക പണമായി നൽകും. എന്നാൽ ജീവനക്കാരുടെ ക്ഷാമബത്ത കുടിശിക പിഎഫില്‍ ലയിപ്പിക്കും. ഇതിലൂടെ പെന്‍ഷന്‍കാരുടെയും ജീവനക്കാരുടെയും ക്ഷാമബത്ത 14 ശതമാനമായി ഉയരും. വര്‍ധിപ്പിച്ച ക്ഷാമബത്തയിലൂടെ സർക്കാരിന് പ്രതിമാസം 59.14 കോടി രൂപയും പ്രതിവര്‍ഷം 709.68 കോടി രൂപയും അധികച്ചിലവുണ്ടാകും.