അസംഗഡ്: ഉത്തർപ്രദേശിനെ നടുക്കിയ വ്യാജമദ്യദുരന്തത്തിൽ മരിച്ചവരുടെ എണ്ണം 18 ആയി. വ്യാഴാഴ്ച രാത്രിയാണ് സംഭവം നടന്നത്. അസംഗഡ് ജില്ലയിലെ റൗണാപാർ മേഖലയിലെ മൂന്ന് ഗ്രാമങ്ങളിലാണ് വ്യാജമദ്യദുരന്തം ഉണ്ടായത്. മുപ്പതിലേറെപേരെ ആശുപത്രിയിൽ പ്രവേശിപ്പിച്ചിട്ടുണ്ട്.
സ്ഥിതിഗുരുതമായവരെ ബനാറസ് ഹിന്ദു സർവകലാശാല ആശുപത്രിയിലേക്ക് മാറ്റി. സംഭവത്തെകുറിച്ച് മജിസ്ട്രേട്ട് തല അന്വേഷണത്തിന് സർക്കാർ ഉത്തരവിട്ടു. ആറ് എക്സൈസ് ഉദ്യോഗസ്ഥരെയും അഞ്ച് പോലീസ് ഉദ്യോഗസ്ഥരെയും അന്വേഷണവിധേയമായി സസ്പെൻഡ് ചെയ്തു.വ്യാജമദ്യ നിർമാണത്തിൽ ഏർപ്പെട്ടിരിക്കുന്നവരെ പിടികൂടാൻ ഒരാഴ്ച നീണ്ടുനിൽക്കുന്ന പ്രവർത്തനങ്ങൾ ആരംഭിച്ചതായി ആഭ്യന്തര പ്രിൻസിപ്പൽ സെക്രട്ടറി അരവിന്ദ് കുമാർ അറിയിച്ചു.
Post Your Comments