ഗംഗയിൽ മാലിന്യം നിക്ഷേപിച്ചാൽ വൻ തുക പിഴ

ന്യൂഡൽഹി: ഗംഗാനദിതീരത്ത് 500 മീറ്റർ പരിധിയിൽ മാലിന്യം നിക്ഷേപിക്കുന്നവർ വൻ തുക പിഴ നൽകേണ്ടി വരും. ഗംഗാനദിതീരത്ത് 500 മീറ്റർ പരിധിയിൽ മാലിന്യം നിക്ഷേപിക്കുന്നത് ദേശീയ ഹരിത ട്രൈബ്യൂണൽ നിരോധിച്ചു. ഈ ഉത്തരവ് ലംഘിക്കുന്നവർ 50,000 രൂപവരെ പിഴ നൽകേണ്ടി വരും. ഗംഗയ്ക്കു ചുറ്റുമുള്ള നൂറു മീറ്റർ പ്രദേശം നോണ്‍ ഡെവലപ്പ്മെന്‍റൽ സോണ്‍ ആയി പ്രഖ്യാപിക്കണമെന്നും നാഷണൽ ഗ്രീൻ ട്രൈബ്യൂണൽ അറിയിച്ചു. ലോകത്ത് എറ്റവുമധികം മാലിന്യം വഹിക്കുന്ന നദികളിലൊന്നാണ് ഇപ്പോൾ ഗംഗ.