ട്രെയിൻ അപകടങ്ങളിൽപ്പെട്ട് മൂന്ന് വർഷത്തിനുള്ളിൽ ജീവൻ നഷ്ടപ്പെട്ടവരുടെ എണ്ണം ;ഞെട്ടിക്കുന്ന കണക്കുകൾ പുറത്ത്

ന്യൂഡൽഹി ; ട്രെയിൻ അപകടങ്ങളിൽപ്പെട്ട് മൂന്ന് വർഷത്തിനുള്ളിൽ 206 ട്രെയിൻ അപകടങ്ങളിലായി 333 പേർക്കാണ് ജീവൻ നഷ്ടപ്പെട്ടതെന്ന് റെയിൽവേ മന്ത്രി സുരേഷ് പ്രഭു. മുൻ വർഷങ്ങളിലേതിനേക്കാൾ ഇത് വളരെകൂടുതലാണെന്നും, രാജ്യത്ത് ട്രെയിൻ അപകടങ്ങൾ ഞെട്ടിക്കുന്ന വിധത്തിൽ വർദ്ധിച്ചുവെന്നും അദ്ദേഹം പറഞ്ഞു.

2013ൽ 53 അപകടങ്ങൾ സംഭവിച്ചിടത്തു നിന്നാണ് അപകടത്തിന്‍റെ തോത് ഇത്രകണ്ട് വർദ്ധിച്ചത്. 2014-15 വർഷത്തിൽ 135 ട്രെയിൻ അപകടങ്ങളും 2015-16ൽ 107 അപകടങ്ങളും 2016-17ൽ 104 അപകടങ്ങളുമാണ് ഉണ്ടായത്. നിരന്തരമുണ്ടാകുന്ന ട്രെയിൻ അപകടങ്ങൾ കുറക്കണമെങ്കിൽ അത്യാധുനീക സംവിധാനങ്ങൾ റെയിൽവേയിൽ കൊണ്ടുവരണമെന്നും, ഇതിനുള്ള നടപടികൾ സ്വീകരിക്കുന്ന കാര്യം കേന്ദ്രം പരിഗണിക്കുമെന്നും അദ്ദേഹം അറിയിച്ചു.