കാരക്കാസ്: വെനസ്വേലൻ സർക്കാരിന്റെ ഒൗദ്യോഗിക വെബ്സൈറ്റുകൾ ഹാക്കർമാർ തകർത്തു.പ്രസിഡന്റ് നിക്കോളാസ് മഡുറോയുടെ ക്രൂര ഭരണത്തിൽ പ്രതിഷേധിച്ചാണ് വെബ്സൈറ്റുകൾ ഹാക്കർമാർ തകർത്തത്. ദി ബൈനറി ഗാർഡിയൻ എന്ന സംഘമാണ് ആക്രമണത്തിനു പിന്നിൽ. വലൻസ്യാ നഗരത്തിലെ സൈനികതാവളം ആക്രമിച്ചവർക്ക് പിന്തുണ അർപ്പിച്ചാണ് ആക്രമണമെന്ന് സൈറ്റുകളിൽ പോസ്റ്റ് ചെയ്ത സന്ദേശത്തിൽ വ്യക്തമാക്കുന്നു.
വെനസ്വേലൻ സർക്കാരിന്റെ വെബ്സൈറ്റുകൾക്കൊപ്പം നാഷണൽ ഇലക്ട്രൽ കൗണ്സിൽ, വെനസ്വേലൻ നേവി എന്നീ വെബ്സൈറ്റുകളും ഹാക്ക് ചെയ്യപ്പെട്ടു. സംഭവത്തിൽ വെനസ്വേലൻ സർക്കാർ ഒൗദ്യോഗികമായി ഇതിനോടു പ്രതികരിച്ചിട്ടില്ല.
Post Your Comments