ന്യൂഡൽഹി: കടകളിൽ വിൽപ്പന നിരോധിച്ചതോടെ പടക്കം വാങ്ങാൻ ഓൺലൈനിൽ വൻ തിരക്ക്. ദീപാവലിയോട് അനുബന്ധിച്ചാണ് ഡൽഹിയിലും പരിസരപ്രദേശങ്ങളിലും പടക്കങ്ങൾ വിൽക്കുന്നത് നിരോധിച്ചത്. സുപ്രീം കോടതിയാണ് നിരോധനം ഏർപ്പെടുത്തിയത്. നിരോധനം ആദ്യ ദിവസം പിന്നിടുന്ന വേളയിൽ ഡൽഹിയിൽ ഓൺലൈനിലൂടെ വൻ തോതിലാണ് പടക്ക വിൽപ്പന നടത്തുന്നത്. പലരും വലിയ ഓഫറുകളാണ് ഏർപ്പെടുത്തിയിരിക്കുന്നത്.
നിരവധി പടക്ക നിർമാതാക്കളാണ് ഓൺലൈനിലൂടെ ബിസിനസ് ചെയ്യുന്നത്. ഒരു വെബ് സെറ്റ് പറയുന്നത് ഡൽഹിയിലും പരിസരപ്രദേശങ്ങളിലും പടക്കങ്ങൾ വിൽക്കുന്നതു സുപ്രീംകോടതി നിരോധിച്ചതു കാരണമാണ് ഓൺലൈൻ വിൽപ്പനയെന്നാണ്. മറ്റൊരു വെബ് സെറ്റ് പറയുന്നത് ഡെലിവറി ഡൽഹിയിലും പരിസരപ്രദേശങ്ങളിലും മാത്രമെന്നാണ്.
പ്രശസ്ത എഴുത്തുകാരനായ ചേതൻ ഭഗത് പടക്കങ്ങൾ വിൽക്കുന്നതു നിരോധിച്ച സുപ്രീംകോടതി വിധിക്കെതിരെ രംഗത്തു വന്നിരുന്നു. പരിസ്ഥിതി മന്ത്രി ഹർഷവർധൻ വിലക്കിനെ അനുകൂലിച്ച് രംഗത്തു വന്നത് സാമൂഹിക മാധ്യമങ്ങളിൽ വലിയ വിമർശനത്തിനു കാരണമായിരുന്നു.
ഒക്ടോബർ 31 വരെയാണ് കോടതി നിരോധനം.ദീപാവലി കാലത്ത് പടക്കങ്ങളുടെ ഉപയോഗം വ്യാപകമാണെന്നും അതു ഗുരുതരമായ ആരോഗ്യപ്രശ്നങ്ങളുണ്ടാക്കുന്നുണ്ടെന്നും ചൂണ്ടിക്കാട്ടി മൂന്നു വിദ്യാർഥികൾ നൽകിയ ഹർജിയിലാണ് സുപ്രീംകോടതിയുടെ ഉത്തരവ്.
Post Your Comments