ലണ്ടന്‍: ‘ജുഗാദ്’, ‘ദാദാഗിരി’ എന്നീ പദങ്ങള്‍ ഓക്‌സ്‌ഫോര്‍ഡ് ഇംഗ്ലീഷ് നിഘണ്ടുവില്‍ ചേര്‍ത്തു. ഇതിനു പുറമെ ഇന്ത്യയില്‍ നിന്നും ‘ഗുലാബ് ജമുന്‍’, ‘മിര്‍ച്ച് മസാല’, ‘കെമാ’, ‘ഫണ്ട്, ‘ചംച്ച’ എന്നിവയും ഓക്‌സ്‌ഫോര്‍ഡ് ഇംഗ്ലീഷ് നിഘണ്ടുവില്‍ ഇടംപിടിച്ചു. പുതിയ കൂട്ടിച്ചേര്‍ത്ത പട്ടിക പ്രകാരം തെലുങ്ക്, ഉര്‍ദു, തമിഴ്, ഹിന്ദി, ഗുജറാത്തി എന്നീ ഭാഷകളില്‍ നിന്നുള്ള 70 പുതിയ വാക്കുകള്‍ ഓകസ്‌ഫോര്‍ഡ് നിഘണ്ടുവില്‍ ഇടംനേടിയിട്ടുണ്ട്.
‘ജുഗാദ്’, ‘ദാദാഗിരി’, ‘അചച’, ‘ബാപ്പു’, ‘സൂര്യ നമാസ്‌കര്‍’ തുടങ്ങി ഇന്ത്യയില്‍ സാധാരണയായി ഉപയോഗിക്കുന്ന പദങ്ങള്‍ പലതും പട്ടികയില്‍ സ്ഥാനംപിടിച്ചു. മിക്ക പദങ്ങളും ഭക്ഷണവും ബന്ധങ്ങളുമാണ് വിവരിക്കുന്നത്. അണ്ണാ ‘(ചേട്ടന്‍),’ അബ ‘(അച്ഛന്‍) എന്ന പദങ്ങള്‍ ബന്ധങ്ങളെ വിവരിക്കുന്നതാണ്. ഗുലാബ് ജമുന്‍ ‘,’ മിര്‍ച്ച് മസാല ‘,’ കെമാ ‘,’ ഫണ്ട ‘,’ ചംച്ച’ തുടങ്ങിയവ ഭക്ഷ്യപദാര്‍ത്ഥങ്ങളുടെ പേരാണ്.
‘ടൈംപാസ്’, ‘നാടാക്’, ‘ചാപ്’ എന്നീ പദങ്ങളും ഇപ്പോള്‍ ഈ നിഘണ്ടുവില്‍ സ്ഥാനം കണ്ടെത്തിയിട്ടുണ്ട്. ഇന്ത്യയില്‍ ഉപയോഗിക്കുന്ന പല പദങ്ങള്‍ക്കും തുല്യമായ ഇംഗ്ലീഷ് പദങ്ങള്‍ ഇല്ലാത്ത സാഹചര്യത്തിലാണ് ഇവ പട്ടികയില്‍ ഉള്‍പ്പെടുത്തിയത് എന്നു അധികൃതര്‍ അറിയിച്ചിട്ടുണ്ട്. നേരെത്ത സെപ്തംബര്‍ 2017 ലെ അപ്‌ഡേറ്റ് നിഘണ്ടുവില്‍ ഉള്‍ക്കൊള്ളിച്ചിട്ടുള്ള 900 ഇനങ്ങളിലേയ്ക്ക് ഇന്ത്യന്‍ പദങ്ങള്‍ ഇടംപിടിച്ചിരുന്നു.
Post Your Comments