ന്യൂഡല്‍ഹി: ജി.എസ്.ടി കുറച്ചതിനു ഗുജറാത്തിന് നന്ദി പറഞ്ഞ് കോണ്‍ഗ്രസ് നേതാവ് പി.ചിദംബരം. ഗുജറാത്തിലെ നിയമസഭാ തെരെഞ്ഞടുപ്പാണ് ജിഎസ്ടി കുറയ്ക്കാനുള്ള കാരണമെന്നു ചിദംബരം പറഞ്ഞു. ഇതിനു താൻ ഗുജറാത്തിന് നന്ദി പറയുകയാണ്. സർക്കാർ ഇതു നേരെത്ത നടപ്പാക്കണമായിരുന്നു. പക്ഷേ സർക്കാരിനു ജിഎസ്ടി നടപ്പാക്കി മാസങ്ങള്‍ പലതും കഴിഞ്ഞിട്ടാണ് ഇതിന്റെ പ്രശ്നങ്ങള്‍ മനസിലായത്. ഈ സമയത്താണ് ജിഎസ്ടിക്കു എതിരെ ഗുജറാത്തിൽ വലിയ പ്രതിഷേധങ്ങൾ ഉയർന്നത്.
ഗുജറാത്തിലെ ചെറുകിട വ്യാപാരികളിലെ ബഹുഭൂരിപക്ഷവും ഇതിനു എതിരെ രംഗത്തു വന്നു. ഇതും ഗുജാറത്തിലെ തെരഞ്ഞെടുപ്പും മുന്നിൽ കണ്ടാണ് ബിജെപി ജി.എസ്.ടി കുറച്ചത് എന്നും ട്വീറ്റുകളിലൂടെ ചിദംബരം വ്യക്തമാക്കി.
Post Your Comments