തിരുവനന്തപുരം: ശബരിമല തീര്‍ത്ഥാടകരെ ലക്ഷ്യമിട്ട്‌ ഐ.എസ്‌. കുടിവെള്ളത്തില്‍ ഭീകരര്‍ വിഷം കലര്‍ത്താന്‍ സാധ്യതയുണ്ടെന്ന്‌ ഇന്റലിജന്‍സ്‌ റിപ്പോര്‍ട്ട്‌. റെയില്‍വേ പോലീസ്‌ ട്രെയിനുകളിലും റെയില്‍വേ സ്‌റ്റേഷനുകളിലും സുരക്ഷ ശക്‌തമാക്കി. കൂടാതെ സ്‌റ്റേഷന്‍ മാസ്‌റ്റര്‍മാര്‍ക്കു ജാഗ്രതാ നിര്‍ദേശം.
റെയില്‍വേ പോലീസ്‌ സ്‌റ്റേഷന്‍ മാസ്‌റ്റര്‍മാര്‍ക്കു കൂട്ടമായെത്തുന്ന മുസ്ലിംകളല്ലാത്ത യാത്രക്കാര്‍ക്ക്‌ കുടിക്കാനായി റെയില്‍വേ സ്‌റ്റേഷനുകളിലും ട്രെയിനുകളിലും നല്‍കുന്ന വെള്ളത്തില്‍ വിഷം കലര്‍ത്താന്‍ ഐ.എസ്‌. പദ്ധതിയുണ്ടെന്ന രഹസ്യാന്വേഷണ റിപ്പോര്‍ട്ടിനെപ്പറ്റി വിവരം നല്‍കി. കത്തില്‍ ശബരിമല തീര്‍ഥാടകര്‍ അടക്കമുള്ളവര്‍ക്കു നല്‍കുന്ന കുടിവെള്ളവും ഭക്ഷണ പദാര്‍ഥങ്ങളും സുരക്ഷിതമെന്ന്‌ ഉറപ്പാക്കണമെന്നു നിര്‍ദേശിക്കുന്നു.
റെയില്‍വേ പോലീസിന്‌ ഇന്റലിജന്‍സ്‌ ജാഗ്രതാ നിര്‍ദേശം നല്‍കിയത്‌ നവംബര്‍ 14, 23 തീയതികളിലാണ്‌. ട്രെയിനുകളില്‍ ഇതര സംസ്‌ഥാനങ്ങളില്‍ നിന്നുള്ള ശബരിമല ഭക്‌തര്‍ കൂട്ടമായെത്തുന്നതിനാല്‍ അപായപ്പെടുത്താനുള്ള സാധ്യത വളരെക്കൂടുതലാണെന്നാണ്‌ രഹസ്യാന്വേഷണ ഏജന്‍സികള്‍ വിലയിരുത്തുന്നു.അതേസമയം, ജാഗ്രതാ സന്ദേശത്തില്‍ ഭയപ്പെടാന്‍ ഒന്നുമില്ലെന്ന്‌ ഡി.ജി.പി. ലോക്‌നാഥ്‌ ബഹ്‌റ അറിയിച്ചു.
Post Your Comments