തിരുവനന്തപുരം: പ്രധാനമന്ത്രി നരേന്ദ്ര മോദി കേരളത്തിലെത്തും. ഓഖി ദുരന്ത ബാധിതരെ സന്ദര്‍ശിക്കുന്നതിനും ദുരന്തം വിലയിരുത്താനും മറ്റുമാണ് അദ്ദേഹം എത്തുന്നത്. പ്രധാനമന്ത്രി തിങ്കളാഴ്ചയോ ചൊവ്വാഴ്ചയോ ആയിരിക്കും എത്തുക. സംസ്ഥാനത്തിന് ഇത് സംബന്ധിച്ച അറിയിപ്പ് ലഭിച്ചു. എന്നാല്‍ ഏത് തിയതിയാണ് സന്ദര്‍ശിക്കുക എന്നതിന് കൃത്യമായ സ്ഥിരീകരണമില്ല.
ലത്തീന്‍ സഭാനേതൃത്വം അടക്കമുള്ളവര്‍ പ്രധാനമന്ത്രി ദുരിതബാധിത പ്രദേശങ്ങള്‍ സന്ദര്‍ശിക്കണമെന്ന് ആവശ്യപ്പെട്ടിരുന്നു. കേരളത്തിലേയും തമിഴ്നാട്ടിലേയും ഓഖി ദുരിതബാധിതരെ കേന്ദ്ര പ്രതിരോധ മന്ത്രി നിര്‍മലാ സീതാരാമനും കോണ്‍ഗ്രസ് നിയുക്ത പ്രസിഡന്റ് രാഹുല്‍ ഗാന്ധിയും സന്ദര്‍ശിച്ചിരുന്നു. കേന്ദ്രം ഓഖി ദുരന്തത്തില്‍പ്പെട്ട കേരളത്തെ സഹായിക്കാന്‍ തയ്യാറാകുന്നില്ലെന്നും തമിഴ്നാട് മുഖ്യമന്ത്രിയെ ഫോണില്‍ വിളിച്ചെങ്കിലും കേരള മുഖ്യമന്ത്രിയെ മോദി ഫോണില്‍ വിളിച്ചില്ലെന്നും ആക്ഷേപമുണ്ടായിരുന്നു.
Post Your Comments