അഞ്ചാം ഏകദിനം വിജയിച്ച് ചരിത്രത്തിലാദ്യമായി ദക്ഷിണാഫ്രിക്കയില്‍ പരമ്പര നേടാനുള്ള തയ്യാറെടുപ്പിലാണ് ടീം ഇന്ത്യ. ദക്ഷിണാഫ്രിക്കയ്ക്ക് എതിരായ മത്സരത്തില്‍ ഇന്ത്യന്‍ ടീമില്‍ മാറ്റത്തിന് സാധ്യത. നാലാം ഏകദിനത്തില്‍ നിറംമങ്ങിയ ശ്രേയസ് അയ്യരെ മാറ്റി മനീഷ് പാണ്ഡയേയോ ദിനേഷ് കാര്‍ത്തികനേയോ ആയിരിക്കും അഞ്ചാം സ്ഥാനത്തേയ്ക്ക് പരിഗണിക്കുക.
നേരത്തെ കേദാര്‍ ജാതവിന് പരുക്ക് ഏറ്റതിനെ തുടര്‍ന്നാണ് ശ്രേയസ് അയ്യര്‍ പ്ലെയിംഗ് ഇലവണില്‍ ഇടം പിടിച്ചത്. എന്നാല്‍ താരത്തിന് മത്സരത്തില്‍ ശോഭിക്കാനായില്ല. 18 റണ്‍ മാത്രം നേടിയ അയ്യര്‍ നിര്‍ണായകമായ ഒരു ഫീല്‍ഡിംഗ് പിഴവും നടത്തിയിരുന്നു.
മറ്റ് മാറ്റങ്ങള്‍ ടീമില്‍ ഉണ്ടാകാനിടയില്ല. തുടര്‍ച്ചയായി നിരാശപ്പെടുത്തുകയാണെങ്കിലും രോഹിത് ശര്‍മ്മയെ മാറ്റിയേക്കില്ല. നാലാം സ്ഥാനത്ത് അജിങ്ക്യ രഹാനെയും ആറ്, ഏഴ് പൊസിഷനുകളില്‍ ധോണി , പാണ്ട്യ എന്നിവരും കളിക്കും.
നിലവില്‍ 3-1ന് ഇന്ത്യ പരമ്പരയില്‍ മുന്നിട്ട് നില്‍ക്കുകയാണ്. അവശേഷിക്കുന്ന രണ്ട് മത്സരങ്ങളില്‍ ഒന്ന് ജയിച്ചാല്‍ അത് ഇന്ത്യന്‍ ടീമിന് ചരിത്രമായിരിക്കും. ദക്ഷിണാഫ്രിക്കന്‍ മണ്ണില്‍ ഒരു കിരീട വിജയം എന്ന ചരിത്രം ഇന്ത്യ കുറിക്കും.
Post Your Comments