Latest NewsKerala

കെവിന്റെ കൊലപാതകം; വിചാരണ ആറ് മാസത്തിനകം പൂര്‍ത്തിയാക്കണം: പ്രോസിക്യൂഷന്‍

സംഭവം നടന്ന് നാല് മാസം കഴിയുമ്പോഴാണ് വിചാരണ തുടങ്ങുന്നത്

കോട്ടയം: കെവിൻ കേസ് വിചാരണ ആറുമാസത്തിനകം പൂർത്തിയാക്കണമെന്ന് പ്രോസിക്യൂഷൻ ആവശ്യപ്പെട്ടു. കേസിന്റ വിചാരണ ഇന്ന് കോട്ടയം സെഷൻസ് കോടതിയിൽ തുടങ്ങി. കോട്ടയം നട്ടാശ്ശേരി സ്വദേശി കെവിനെ തട്ടിക്കൊണ്ട് പോയി കൊലപ്പെടുത്തിയെന്ന കേസ് ദുരഭിമാനക്കൊലയെന്നാണ് കുറ്റപത്രത്തിൽ വ്യക്തമാക്കിയിരിക്കുന്നത്.

നീനുവിനെ വിവാഹം കഴിച്ചതിന് സഹോദരൻ ഷാനു ചാക്കോയും സംഘവും ചേർന്ന് കെവിനെ തട്ടിക്കൊണ്ട് പോയി കൊലപ്പെടുത്തിയെന്നാണ് കേസ്. കേസിൽ 14 പ്രതികളാണുള്ളത്. നിയമ വാഴ്ചക്കെതിരെയുള്ള വെല്ലുവിളിയാണ് കെവിന്റ കൊലപാതമെന്നാണ് പ്രോസിക്യൂഷൻ വാദം.

കഴിഞ്ഞ മെയ് 27നാണ് കെവിനെ തട്ടിക്കൊണ്ട് പോയത്. 28ന് കെവിന്റ മൃതദേഹം തെന്മലയിൽ നിന്ന് കണ്ടെത്തി. സംഭവം നടന്ന് നാല് മാസം കഴിയുമ്പോഴാണ് വിചാരണ തുടങ്ങുന്നത്. ഗുഡാലോചനക്കേസിൽ അറസ്റ്റിലായ നിനുവിന്റ അച്ഛൻ ചാക്കോ സെഷൻസ് കോടതിയിൽ ജാമ്യാപേക്ഷയും നൽകി.

Tags

Post Your Comments


Back to top button
Close
Close