KeralaLatest News

പുതുവത്സരം ആഘോഷിക്കാന്‍ കൊച്ചി മെട്രോയും

ആലുവ: പുതുവത്സര ദിനം ആഘോഷിക്കാന്‍ കൊച്ചിയിലെത്തുന്നവരെ സ്വീകരിക്കാന്‍ മെട്രോ ഒരുങ്ങുന്നു. സര്‍വ്വീസ് സമയം ദീര്‍ഘിപ്പിച്ചാണ് ആഘോഷങ്ങളില്‍ കൊച്ചി മെട്രോ പങ്കു ചേരുന്നത്.

ഇതിന്റെ ഭാഗമായി ഡിസംബര്‍ 30 ന് രാത്രി 11 മണി വരെ ആലുവയില്‍ നിന്നും മഹാരാജാസ് കോളെജ് സ്റ്റേഷനില്‍ നിന്നും സര്‍വ്വീസ് ഉണ്ടാകും. 31 ന് പതിവു പോലെ രാവിലെ ആറ് മണിക്ക് ആരംഭിക്കുന്ന സര്‍വ്വീസ് പിറ്റേന്ന് പുലര്‍ച്ചെ ഒരു മണിക്കാവും അവസാനിക്കുക.

സാധാരണയായി രാവിലെ ആറ് മണിക്ക് ആരംഭിക്കുന്ന സര്‍വ്വീസ് രാത്രി പത്ത് മണിക്ക് അവസാനിപ്പിക്കാറുണ്ടായിരുന്നു. എന്നാല്‍ പുതുവത്സരം പ്രമാണിച്ച് മറ്റ് സ്ഥലങ്ങളില്‍ നിന്നും കൊച്ചിയിലേക്ക് വിനോദ സഞ്ചാരികളും നാട്ടുകാരും എത്തുമെന്നതിനാലാണ് യാത്രാ സൗകര്യം ഇങ്ങനെ ക്രമീകരിക്കുന്നതെന്ന് കൊച്ചി മെട്രോ അധികൃതര്‍ അറിയിച്ചു.

Related Articles

Post Your Comments


Back to top button