ജയ്പൂര്‍: പ്രകടന പത്രികയിലെ ഒരു പ്രധാന വാഗാദാനവും കൂടി നിറവേറ്റാനൊരുങ്ങി രാജസ്ഥാനിലെ കോണ്‍ഗ്രസ് സര്‍ക്കാര്‍. നിയമസഭയില്‍ സ്ത്രീകള്‍ക്ക് 33 ശതമാനം സംവരണം ഏര്‍പ്പെടുത്താനാണ് പുതിയ തീരുമാനം. കോണ്‍ഗ്രസ് ഭരിക്കുന്ന 5 സംസ്ഥാനങ്ങളിലെയും നിയമസഭയില്‍ സ്ത്രീ സംവരണം നടപ്പിലാക്കാനുള്ള തീരുമാനത്തിന്റെ ഭാഗമായാണിതെന്ന് മുഖ്യമന്ത്രി അശോക് ഗെഹ്‌ലോട്ട് അറിയിച്ചു. അതേസമയം സംവരണം നല്‍കാന്‍ തത്വത്തില്‍ തീരുമാനിച്ചതായും അദ്ദേഹം അറിയിച്ചു. എന്നാല്‍ നിലവിലെ നിയമസഭാ സമ്മേളനത്തില്‍ തന്നെ പ്രമേയം പാസാക്കുമോയെന്ന് അദ്ദേഹം വ്യക്തമാക്കിയില്ല.
Post Your Comments