ഗുരുഗ്രാം: ഗുരുഗ്രാമില്‍ ബഹുനില കെട്ടിടം തകര്‍ന്നുവീണുണ്ടായ അപകടത്തില്‍ ആറു പേര്‍ മരിച്ചു. കെട്ടിടാവശിഷ്ടങ്ങള്‍ക്കിടയില്‍ രണ്ടു പേര്‍ ഇപ്പോഴും കുടുങ്ങിക്കിടക്കുകയാണ്. വ്യാഴാഴ്ച പുലര്‍ച്ചെ ഗുരുഗ്രാമിലെ ഉല്ലാവയിലായിരുന്നു അപകടം.
ബുള്‍ഡോസറുകള്‍ എത്തിച്ച് ഇടിഞ്ഞ ഭാഗങ്ങള്‍ മാറ്റിയാണ് മൃതദേഹങ്ങള്‍ കണ്ടെടുത്തത്. ദേശീയ ദുരന്ത നിവാര സേനയുടെ മൂന്ന് സംഘങ്ങള്‍ ചേര്‍ന്നാണ് രക്ഷാപ്രവര്‍ത്തനം നടത്തുന്നത്.
നാലാം നിലയുടെ നിര്‍മാണം നടന്നുവരുന്നതിനിടെയാണ് കെട്ടിടം തകര്‍ന്നു വീണത്. അപകടത്തിനു കാരണം എന്താണെന്ന് അറിവായിട്ടില്ല. നാലാം നിലയില്‍ നിര്‍മാണ പ്രവര്‍ത്തനങ്ങളില്‍ ഏര്‍പ്പെട്ടിരുന്ന തൊഴിലാളികളാണ് അപകടത്തില്‍പെട്ടതെന്നാണ് വിവരം.
Post Your Comments