തിരുവനന്തപുരം: മലയിൻകീഴ് മേപ്പുകടയിൽ കെ ഡി മാർബിൾസ് ആൻഡ് ഗ്രാനൈറ്റിസിൽ ലോഡ് ഇറക്കുന്നതിനിടെ മാർബിൾ ശരീരത്തിലേക്ക് വീണ് തൊഴിലാളി മരിച്ചു. മേപ്പുകടയിൽ വാറുവിളാകത്തു പുത്തൻ വീട്ടിൽ രവി ചന്ദ്രൻ (49) ആണ് മരിച്ചത്. ഇന്ന് രാവിലെ പത്തു മണിയോട് കൂടി കണ്ടെയിനർ ലോറിയിൽ നിന്നും തൊഴിലാളികൾ മാർബ്ബിലുകൾ ഇറക്കുകയായിരുന്നു. അരമണിക്കൂർ കഴിഞ്ഞപ്പോൾ കണ്ടെയ്നറിനുള്ളിൽ നിന്നും പുറകു വശത്തേക്ക് നീക്കി വച്ച പത്തോളം മാർബിളുകൾ ലോറിയിൽനിന്നും താഴേക്കു പതിച്ചു. ഈ സമയം അവിടെ ഉണ്ടായിരുന്ന രവി ചന്ദ്രന്റെ പുറത്തേക്ക് ഇവ പതിക്കുകയായിരുന്നു. നെഞ്ചിന്റെ ഭാഗം വരെ മാർബിളുകൾ വീണു.
മാർബിൾ മാറ്റാനുള്ള ശ്രമം പരാജയപ്പെട്ടതോടെ പൊലീസിനെയും അഗ്നിശമന സേനയെയും വിവരം അറിയിച്ചു. കാട്ടാക്കട നിന്നും അഗ്നിശമന സേന എത്തി ക്രോ ബാർ ഉപയോഗിച്ച് മാർബിളുകൾ പൊട്ടിച്ചു നീക്കം ചെയ്ത് രവി ചന്ദ്രനെ പുറത്തെടുത്തു. മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാനായില്ല ഐ എൻ ടി യു സി തൊഴിലാളിയായ രവി ചന്ദ്രൻ ഗുഡ്സ് ഓട്ടോ ഡ്രൈവർ കൂടെയായിരുന്നു. ഭാര്യ ലത, മക്കൾ അനീഷ്, പ്രിയങ്ക.
Post Your Comments