ജലന്ധര്‍: എട്ട് ലക്ഷത്തോളം പേര്‍ താമസിക്കുന്ന ഇടത്തി്ല പുലി ആക്രമണം നടത്തിയത് ആറി മണിക്കൂര്‍. . പഞ്ചാബിലെ ജലന്ധറിലാണ് സംഭവം. പുലിയുടെ ആക്രമണത്തില്‍ നാല് പേര്‍ക്ക് സാരമായി പരിക്കേറ്റിട്ടുണ്ട്. വ്യാഴാഴ്ചയാണ് മലയിറങ്ങി പുലി നഗരത്തിലെത്തിയത്.
പുലിയെ കെണിവച്ച്‌ പിടികൂടുന്നതിനിടയിലാണ് ആളുകള്‍ ആക്രണണത്തിന് ഇരയായത്. പുലിയെ കാണാനെത്തിയവര്‍ക്കും പരുക്കേറ്റിടുണ്ട്. സമീപത്തെ വയലിലേക്ക് പുലിയെ ഓടിച്ച്‌ വിടാനായി ജനങ്ങള്‍ കല്ലെറിഞ്ഞതാണ് കാര്യങ്ങള്‍ വഷളാക്കിയെന്നാണ് പുറത്തുവരുന്ന റിപ്പോര്‍ട്ട്. പുലി ആളുകളുടെ മേല്‍ ചാടി വീഴുന്നതിന്റെ വീഡിയോ സാമൂഹ്യമാധ്യമങ്ങളില്‍ പ്രചരിക്കുകയാണ്.
ഹിമാചല്‍പ്രദേശില്‍ നിന്നും കാടുകളും വയലും കടന്നാണ് പുലി ജലന്ധറിലെത്തിയതെന്ന് പഞ്ചാബ് വന്യജീവി വകുപ്പ് പറയുന്നു. പുലിയെ ആദ്യം കെണിവച്ച്‌ വലയില്‍ കുരുക്കിയെങ്കിലും വല കടിച്ച്‌ മുറിച്ച്‌ രക്ഷപ്പെടുകയായിരുന്നു. പിന്നീട് ഒരു വീടിനുള്ളില്‍ പുലിയെ ഓടിച്ച്‌ കയറ്റിയതിനുശേഷം മയക്ക് വെടിവച്ച്‌ പിടികൂടുകയായിരുന്നു.
Post Your Comments