വാഷിംഗ്ടണ്‍: അന്തരിച്ച പോപ്പ് ഗായകന്‍ മൈക്കിള്‍ ജാക്സനെതിരെ ഉയരുന്ന ലൈംഗികആരോപണങ്ങളിൽ പ്രതികരണവുമായി അദ്ദേഹത്തിന്റെ മുൻ കാമുകി ഷാനാ മംഗാത്തൽ രംഗത്ത്. സ്ത്രീകളെ ഒരുപാട് ഇഷ്ടപ്പെടുന്ന ജാക്സന് ഒരിക്കലും കുട്ടികളെ ലൈംഗിക താത്പര്യത്തോടെ സമീപിച്ചിട്ടില്ലെന്ന് ഉറപ്പിച്ചുപറയാന്‍ കഴിയുമെന്ന് ഷാന വ്യക്തമാക്കുന്നു. പ്രണയകാലത്ത് പലപ്പോഴും അദ്ദേഹം എന്നോട് ലൈംഗികച്ചുവയുള്ള പാട്ടുകള്‍ ഫോണിലൂടെ പാടിയിട്ടുണ്ട്. നേരിട്ടുകാണുമ്പോഴും അങ്ങനെ തന്നെയാണ്. സ്ത്രീകളോട് ലൈംഗിക താത്പര്യമുള്ള വ്യക്തിയാണ് അദ്ദേഹം. പ്രശസ്തിക്കുവേണ്ടി കുട്ടികളുടെ മാതാപിതാക്കള്‍ തന്നെയാണ് പീഡന ആരോപണങ്ങൾ ഉണ്ടാക്കുന്നതെന്നും ഷാന വ്യക്തമാക്കി.
പല രക്ഷിതാക്കളും കുട്ടികളെ ജാക്സനോടൊപ്പം കറങ്ങാന്‍ വിടുമായിരുന്നു. ചിലരാകട്ടെ മക്കളെ അദ്ദേഹത്തിന്റെ വീട്ടിൽ അന്തിയുറങ്ങാൻ പോലും അനുവദിച്ചു. ജാക്‌സൻ എതിർത്തിരുന്നെങ്കിലും അവർ അത് വകവെച്ചിരുന്നില്ല. മറ്റു കുട്ടികളോട് ജാക്സന് കൂടുതല്‍ സ്നേഹം കാണിക്കുന്നുണ്ടെന്ന് കണ്ടാല്‍ ചിലർ പ്രതികാരം ചെയ്യും. പീഡനാരോപണങ്ങൾ അങ്ങനെയാണ് ഉണ്ടാകുന്നതെന്നും ഷാന വ്യക്തമാക്കുന്നു.
Post Your Comments