തിരുവനന്തപുരം: നായര്‍ സമുദായത്തിലെ പുരോഗമന വാദികള്‍ ഇടതുപക്ഷത്തിന്റെ നിലപാടുകള്‍ക്കൊപ്പം നില്‍ക്കുമെന്ന് എല്‍.ഡി.എഫ് കണ്‍വീനര്‍ വിജയരാഘവന്‍. എന്‍.എസ്.എസ് നേതൃത്വം പറയുന്നിടത്തല്ല നായര്‍ സമുദായം നില്‍ക്കുന്നതെന്നും അദ്ദേഹം പറഞ്ഞു.ഒരു സ്വകാര്യ ചാനലിന് നല്‍കിയ അഭിമുഖത്തിലാണ് പ്രതികരണം.
ഒരു സമുദായത്തെ ആ സമുദായത്തിന്റെ സംഘടന തന്നെ എല്ലാ കാര്യങ്ങളും നിയന്ത്രിക്കുമെന്ന് കരുതി തീരുമാനങ്ങള്‍ എടുത്താല്‍ അത് ശുദ്ധ മണ്ടത്തരമായിരിക്കും. ആ സമുദായത്തിലെ നല്ല മനുഷ്യരും പുരോഗമനാവാദികളും ഇടതുപക്ഷത്തിനായിരിക്കും പിന്തുണ നല്‍കുക.
എന്‍.എസ്.എസിനെയും എസ്.എന്‍.ഡി.പിയേയും ഒരേ തുലാസില്‍ തൂക്കാനാകില്ല. കേരളത്തില്‍ നവോത്ഥാനത്തിന്റെ തുടക്കക്കാരാണ് എസ്.എന്‍.ഡി.പി. അത് കേവലം ഒരു ജാതിസംഘടനയല്ലെന്നും അദ്ദേഹം പറഞ്ഞു.
Post Your Comments