ചണ്ഡീഗഡ്: ബന്ധുക്കളുടെ എതിര്‍പ്പ് അവഗണിച്ച് പ്രായത്തില്‍ മുതിര്‍ന്നയാളെ വിവാഹം കഴിച്ചതിനെ തുടര്‍ന്ന് സംരക്ഷണം ആവശ്യപ്പെട്ട് ദമ്പതികള്‍ കോടതിയില്‍. 67 വയസുകാരനെ വിവാഹം ചെയ്തതിനെ തുടര്‍ന്ന് 24കാരിയായ ഭാര്യയുടെ ബന്ധുക്കളില്‍ നിന്ന് ഭീഷണി നേരിട്ടതിനെ തുടര്‍ന്നാണ് ഇവര്‍ കോടതിയെ സമീപിച്ചത്. ഷംഷീര്‍ സിങ്ങ്(64) നവ്പ്രീത് കൗര്‍(24) എന്നിവരാണ് ദമ്പതികള്‍. അതേസമയം മ്പതിമാരുടെ ഹര്‍ജി പരിഗണിച്ച പഞ്ചാബ്- ഹരിയാന ഹൈക്കോടതി ഇവര്‍ക്ക് സംരക്ഷണം ഒരുക്കാന്‍ പഞ്ചാബ് പോലീസിന് നിര്‍ദ്ദേം നല്‍കി.
ബാലിയാന്‍ ഗ്രാമത്തിലുള്ള ഷംഷീര്‍ ചണ്ഡീഗഡിലെ ഗുരുദ്വാരയില്‍ വെച്ച് ജനുവരിയിലാണ് നവ്പ്രീതിനെ വിവാഹം കഴിക്കുന്നത്. ഇരുവരുടെയും വിവാഹ ചിത്രങ്ങള്‍ സോഷ്യല്‍ മീഡിയകള്‍ വഴി വ്യാപകമായി പ്രചരിച്ചിരുന്നു.
ഇരുവരും വിവാഹിതരായതോടെ നവ്പ്രീതിന്റെ ബന്ധുക്കളുമായി ശത്രുതയിലായി. തങ്ങളുടെ അനുവാദം കൂടാതെ പ്രായത്തില്‍ ഏറെ മുതിര്‍ന്ന വൃദ്ധനെ കല്ല്യാണം കഴിച്ചതിലുള്ള എതിര്‍പ്പാണ് ശത്രുതയ്ക്ക് വഴിവച്ചത്.
ഇതോടെ ബന്ധുക്കള്‍ ഭീഷണിയുമായി എത്തിയെന്നും തങ്ങള്‍ക്ക് സംരക്ഷണം വേണമെന്നും ആവശ്യപ്പെട്ട് ദമ്പതിമാര്‍ കോടതിയെ സമീപിക്കുകയായിരുന്നു.
അതേസമയം ദമ്പതിമാര്‍ പ്രായപൂര്‍ത്തിയായവരാണെന്നും വിവാഹത്തിന് നിയമസാധുത ഉണ്ടെന്നും കോടതി വ്യക്തമാക്കി. ഇവര്‍ക്ക് സംരക്ഷണം നല്‍കണമെന്നും ഉത്തരവിട്ടു. ദമ്പതിമാര്‍ക്ക് സംരക്ഷണം നല്‍കുമെന്ന് പഞ്ചാബ് പോലീസ് അറിയിച്ചു.
Post Your Comments