ആലപ്പുഴ : എന്‍എസ്‌എസിനെതിരെ സിപിഎം സംസ്ഥാന സെക്രട്ടറി കോടിയേരി ബാലകൃഷ് ണന്‍ ഉന്നയിച്ച വിമര്‍ശനങ്ങള്‍ക്കെതിരെ കെപിസിസി അധ്യക്ഷന്‍ മുല്ലപ്പള്ളി രാമചന്ദ്രന്‍. മാടമ്ബി എന്ന സംബോധന സംബോധന സിപിഎമ്മിനാണ് നന്നായി ചേരുക. അവരുടെ സംസ്കാരമാണ് മാടമ്ബിത്തരം. പലതും പറഞ്ഞ് എന്‍എസ്‌എസിനെ വിരട്ടാന്‍ നോക്കണ്ടെന്ന് മുല്ലപ്പള്ളി പറഞ്ഞു.
എന്‍എസ്‌എസിനെതിരേ ബ്ലാക്ക് മെയില്‍ രാഷ്ട്രീയമാണ് സിപിഎം. പയറ്റുന്നതെന്നും അദ്ദേഹം തുറന്നടിച്ചു. ആദ്യം വിരട്ടി നോക്കി പിന്നീട് അനുനയത്തിന്‍റെ പാതയിലേക്ക് വരാനാണ് ശ്രമം. പല അവസരങ്ങളിലും സിപിഎമ്മിന്റെ നിലപാടില്ലായ്മ കേരളം കണ്ടെതാണ്. എന്‍എസ്‌എസ് വിഷയത്തിലും അതുതന്നെയായിരിക്കും സംഭവിക്കാന്‍ പോകുന്നത്. ഇത്രയും പറഞ്ഞിട്ടും എന്‍എസ്‌എസ് വിളിച്ചാല്‍ സിപിഎം നേതാക്കള്‍ ഓടിച്ചെല്ലുമെന്നുമായിരുന്നു കെപിസിസി അധ്യക്ഷന്‍റെ പരിഹാസം.
കൊല്ലപ്പെട്ട യൂത്ത് കോണ്‍ഗ്രസ് പ്രവര്‍ത്തകരുടെ വീടുകള്‍ സന്ദര്‍ശിക്കാന്‍ സിപിഎം കാസര്‍ഗോഡ് ഡിസിസിയെ ബന്ധപ്പെട്ടെന്നത് ശുദ്ധനുണയാണെന്നും മുഖ്യമന്ത്രിയോ സിപിഎമ്മോ കോണ്‍ഗ്രസിന്‍റെ ഒരു ഘടകത്തിലെ നേതാക്കളുമായും ബന്ധപ്പെട്ടിട്ടില്ലെന്നും മുല്ലപ്പളളി പറഞ്ഞു. ജനരോഷം ഭയന്നാണ് അദ്ദേഹം വീട് സന്ദര്‍ശിക്കാത്തതെന്നും എന്നിട്ട് നുണ പറഞ്ഞ് രക്ഷപെടാന്‍ ശ്രമിക്കുകയാണെന്നും മുല്ലപ്പള്ളി.
Post Your Comments