സർക്കാർ ജീവനക്കാർക്ക് ലഭിയ്ക്കുന്നത് പോലെ സ്വകാര്യജീവനക്കാർക്കും അവധി

ദുബായ്: വിപ്ലവകരമായ മാറ്റവുമായി യുഎഇ സർക്കാർ. സർക്കാർ ജീവനക്കാരുടെ അവധി ദിനങ്ങളുടെ അത്രയും സ്വകാര്യ ജീവനക്കാർക്കും അനുവദിക്കാൻ യുഎഇ മന്ത്രിസഭാ തീരുമാനം കൈക്കൊണ്ടു.

ഇത്തവണ 2019-2020 വർഷത്തേയ്ക്കുള്ള അവധി ദിനങ്ങളാണ് അംഗീകരിച്ചത്. നേരത്തെ പൊതു–സ്വകാര്യ മേഖലകൾക്ക് വിശേഷ ദിവസങ്ങളിൽ ഒരുപോലെ അവധി ലഭിക്കാറുണ്ടായിരുന്നില്ല. ഈ വർഷം പെരുനാൾ അവധിയാണ് ആദ്യം എല്ലാവർക്കും ഒന്നുപോലെ ലഭിക്കുക. റമസാൻ 29 മുതൽ ഷവ്വാൽ മൂന്ന് വരെയാണ് അവധി. ബലി പെരുനാൾ ദുൽഹജ് മാസം ഒൻപത് മുതൽ 12 വരെ ലഭ്യമാകും. ഹിജ്‌റ വർഷാരംഭം (മുഹറം1), രക്തസാക്ഷി ദിനം (ഡിസംബർ1), ദേശീയ ദിനം (ഡിസംബർ–2, 3) എന്നിങ്ങനെയാണ് 2019ലെ അവധി ദിനങ്ങൾ.