രാത്രി ഇറങ്ങേണ്ട സ്ഥലത്ത് ബസ് നിർത്താത്തതിനെ തുടർന്ന് പെൺകുട്ടി ബെല്ലടിച്ചു; ഡബിൾ ബെല്ലടിച്ച് വൈ​ദ്യു​തി​യി​ല്ലാ​ത്ത ഭാ​ഗത്ത് വണ്ടി നിർത്തി കണ്ടക്ടർ

ആ​ലു​വ: താ​മ​സ​സ്ഥ​ല​ത്തേ​ക്ക് മ​ട​ങ്ങു​ക​യാ​യി​രു​ന്ന യു​വ​തി​യെ അ​ർ​ധ​രാ​ത്രി ന​ടു​റോ​ഡി​ൽ ഇ​റ​ക്കി​വി​ട്ട കെ​എ​സ്ആ​ർ​ടി​സി സൂ​പ്പ​ർ ഫാ​സ്റ്റ് ബ​സി​ലെ ജീ​വ​ന​ക്കാ​ർ​ക്കെ​തി​രേ അ​ന്വേ​ഷ​ണം ആരംഭിച്ചു. പെൺകുട്ടി നൽകിയ പരാതിയുടെ അടിസ്ഥാനത്തിലാണ് നടപടി. അ​ത്താ​ണി​യി​ൽ​നി​ന്ന് ആ​ലു​വ​യ്ക്കു​ള്ള സൂ​പ്പ​ർ​ഫാ​സ്റ്റ് ബ​സി​ൽ രാ​ത്രി 10 ഓ​ടെ​യാ​ണ് പെൺകുട്ടി കയറിയത്. ബൈ​പാ​സി​ലൂ​ടെ പോ​കു​ന്ന ബ​സു​ക​ൾ രാ​ത്രി​യാ​യാ​ൽ ബ​സ് സ്റ്റാ​ൻ​ഡി​ൽ ക​യ​റി​പ്പോ​ക​ണ​മെ​ന്ന് നി​യ​മ​മു​ണ്ട്. ആ​ലു​വ ബാ​ങ്ക് ക​വ​ല​യി​ൽ ഇ​റ​ക്ക​ണ​മെ​ന്ന് പെൺകുട്ടി ആവശ്യപ്പെട്ടിട്ടും ബ​സ് നി​ർ​ത്തി​യി​ല്ല.

തു​ട​ർ​ന്ന് പെ​ൺ​കു​ട്ടി ബെ​ല്ല​ടി​ച്ചു. ഇതോടെ കു​പി​ത​നാ​യി ക​ണ്ട​ക്ട​ർ ഡ​ബി​ൾ ബെ​ല്ല​ടി​ക്കു​ക​യും ബ​സ്‌ സ്റ്റാ​ൻ​ഡി​ന​ടു​ത്ത് വൈ​ദ്യു​തി​യി​ല്ലാ​ത്ത ഭാ​ഗ​ത്തെ റോ​ഡി​ൽ പെ​ൺ​കു​ട്ടി​യെ ഇ​റ​ക്കി​വി​ടു​ക​യുമാ​യി​രു​ന്നു. പെ​രു​മ്പാ​വൂ​ർ വി​ജി​ല​ൻ​സ് സ്‌​ക്വാ​ഡി​ലെ ഇ​ൻ​സ്‌​പെ​ക്ട​ർ പി. ​രാ​ജീ​വി​ന്‍റെ നേ​തൃ​ത്വ​ത്തി​ൽ ഇ​ന്ന​ലെ പെ​ൺ​കു​ട്ടി​യു​ടെ മൊ​ഴി​യെ​ടു​ത്തു. ഇ​ൻ​സ്‌​പെ​ക്ട​റു​ടെ റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ബ​സ്‌ ക​ണ്ട​ക്ട​റോ​ടും ബ​സ്‌ ഡ്രൈ​വ​റോ​ടും വി​ജി​ല​ൻ​സ് എ​ക്‌​സി​ക്യൂ​ട്ടീ​വ് ഡ​യ​റ​ക്ട​ർ വി​ശ​ദീ​ക​ര​ണം തേ​ടും. അതിനുശേഷമാകും നടപടിയെടുക്കുന്നത്.