മുംബൈ: പ്രായാധിക്യത്തിന്റെ അവശതകളുണ്ടെന്നും ജയിലില് കിടന്ന് മരിക്കാന് പ്രയാസുമു ണ്ടെന്നും കാട്ടി ഷീന ബോറക്കേസിലെ പ്രതി പീറ്റര് മുഖര്ജി സമര്പ്പിച്ച ജാമ്യാപേക്ഷ സിബിഐ കോടതി തളളി. 2015 മുതല് പീറ്റര് ജയിലിലാണ്. പീറ്ററുടെ ജാമ്യാപേക്ഷ നേരത്തെയും കോടതി തള്ളിയിരുന്നു. കേസിലെ പ്രധാന സാക്ഷിയായ പീറ്ററുടെ മകന് രാഹുല് മുഖര്ജിയെ സ്വാധീനിക്കുമെന്ന് ചൂണ്ടിക്കാട്ടിയാണ് സിബിഐ പീറ്ററുടെ ജാമ്യാപേക്ഷയെ എതിര്ക്കുന്നത്.
പീറ്ററുടെ രണ്ടാം ഭാര്യ ഇന്ദ്രാണി മുഖര്ജിയയുടെ ആദ്യ വിവാഹത്തിലെ മകളാണ് കൊല്ലപ്പെട്ട ഷീന.പക്ഷേ വിവാഹസമയത്ത് ഷീന സഹോദരിയാണെന്നാണ് ഇന്ദ്രാണി പറഞ്ഞിരുന്നത്. തന്റെ രണ്ടാനമ്മയുടെ മകളാണെന്ന് അറിയാതെ പീറ്ററിന്റെ മകനായ രാഹുല് മുഖര്ജി ഷീനയുമായി പ്രണയത്തിലാകുകയും വിവാഹം ഉറപ്പിക്കുകയും ചെയ്തിരുന്നു, എന്നാല് തുടര്ന്ന് ഷീനയെ കാണാതാവുകയും റാലിഗഡില് കത്തിക്കരിഞ്ഞ നിലയില് ഷിനയുടെ മൃതദേഹം കണ്ടെത്തുകയുമായിരുന്നു.
Post Your Comments