ഹോളിവുഡ് നടി നഡ്ജ റെജിന്‍ അന്തരിച്ചു

പ്രശസ്ത ബോളിവുഡ് ചിത്രമായ ജെയിംസ് ബോണ്ടിലെ നടി നഡ്ജ റെജിന്‍ (87) അന്തരിച്ചു. സെര്‍ബിയന്‍ നടിയായ നഡ്ജ വാര്‍ദ്ധക്യകാല അസുഖങ്ങളെ തുടര്‍ന്നാണ് മരണപ്പെട്ടത്.

രണ്ടു ബോണ്ട് ചിത്രങ്ങളിലെ അഭിനേതാവിന്റെ മരണം 007 ഔദ്യോഗിക ട്വിറ്റര്‍ അക്കൗണ്ടിലാണ് അറിയിച്ചത്.നഡ്ജ 1963ല്‍ ഫ്രം റഷ്യ വിത്ത് ലൗ എന്ന ചിത്രത്തില്‍ എംഐ6 സ്റ്റേഷന്‍ ബോസിന്റെ വേഷത്തില്‍ അഭിനയിച്ചു. ഒരു വര്‍ഷത്തിനുശേഷം പുറത്തിറങ്ങിയ ഗോള്‍ഡ് ഫിംഗറില്‍ സീന്‍ കോണറിക്കൊപ്പവും അവര്‍ വേഷമിട്ടു.

സെര്‍ബിയയിലെ ബെല്‍ഗ്രേഡില്‍ ജനിച്ച നഡ്ജ, ജര്‍മനിയില്‍ അഭിനയ കരിയര്‍ ആരംഭിച്ചശേഷം 1950ല്‍ ബ്രിട്ടനിലേക്കു കുടിയേറുകയായിരുന്നു.1980കളില്‍ അഭിനയം നിര്‍ത്തിയ നഡ്ജ സഹോദരി ജെലീനയോടൊപ്പം ചേര്‍ന്ന് ഒരു പബ്ലിഷിങ് കമ്പനി ആരംഭിച്ചു. ഫ്രം റഷ്യ വിത്ത് ലൗവില്‍ അഭിനയിക്കുന്നതിനു മുമ്പ് അവര്‍ നിരവധി ബ്രിട്ടീഷ് സിനിമകളില്‍ വേഷമിട്ടു.

We are very sorry to learn that Nadja Regin has passed away at the age of 87. Nadja appeared in two Bond films, FROM RUSSIA WITH LOVE and GOLDFINGER. Our thoughts are with her family and friends at this sad time. pic.twitter.com/PVriNun3MY

— James Bond (@007) April 8, 2019