Latest NewsIndia

പ്രസവമുറിയില്‍ ഗായത്രി മന്ത്രം; പ്രതിഷേധം ശക്തം

ജയ്പൂര്‍: പ്രസവമുറിയില്‍ ഗായത്രി മന്ത്രം കേള്‍പ്പിക്കാനുള്ള ജില്ലാ ആരോ​ഗ്യ വകുപ്പിന്റെ നടപടിയില്‍ പ്രതിഷേധം ശക്തമാകുന്നു. പ്രസവമുറിയില്‍ ​ഗായത്രി മന്ത്രം കേള്‍പ്പിക്കുന്നത് ഇസ്ലാം മതവിശ്വാസത്തിന് എതിരാണെന്ന് കാണിച്ചാണ് ഒരു സംഘം മുസ്ലിങ്ങളുടെ പ്രതിഷേധം. ഗായത്രി മന്ത്രം കേള്‍പ്പിക്കുന്നുണ്ടെങ്കില്‍ പ്രസവമുറിയില്‍ തീര്‍ച്ചയായും ആസാനും കേള്‍പ്പിക്കണമെന്നാണ് പ്രതിഷേധക്കാരുടെ ആവശ്യം.

ഗായത്രി മന്ത്രം കേള്‍ക്കുന്നത് പ്രസവ വേദന കുറയ്ക്കുമെന്നുള്ളതിനാലാണ് ആ​ശുപത്രികളില്‍ ഗായത്രി മന്ത്രം ഉള്‍പ്പെടുത്തിയ സിഡി കാസറ്റുകള്‍ വിതരണം ചെയ്തതെന്ന് ആ​രോ​ഗ്യ വകുപ്പ് അധികൃതര്‍ പറഞ്ഞു. നിലവില്‍ ജില്ലാ ആശുപത്രിയിലെ പ്രസവമുറിയില്‍ മാത്രമാണ് ഗായത്രി മന്ത്രം കേള്‍പ്പിക്കുന്നത്. ഇത് ആശുപത്രിയിലെ മറ്റ് ഹെല്‍ത്ത് സെന്ററുകളിലേക്ക് വ്യാപിപ്പിക്കുമെന്നും അധികൃതര്‍ അറിയിച്ചു.

shortlink

Related Articles

Post Your Comments


Back to top button