ഓവല്:ലോകകപ്പില് ബംഗ്ലാദേശിനെ പരാജയപ്പെടുത്തി ന്യൂസിലാന്റ്. ബംഗ്ലാദേശിന്റെ 245 റണ്സ് വിജയലക്ഷ്യം ന്യൂസിലന്ഡ് 17 പന്തുകള് ബാക്കിനില്ക്കെ എട്ട് വിക്കറ്റ് നഷ്ടപ്പെടുത്തി മറികടക്കുകയായിരുന്നു. ക്യാപ്റ്റന് കെയിന് വില്യംസണിന്റെയും (40) അര്ധ സെഞ്ചുറി നേടിയ റോസ് ടെയ്ലറുടേയും (82) മികവിലാണ് അനായാസ ജയം നേടാൻ ന്യൂസിലാന്റിന് കഴിഞ്ഞത്. ഓപ്പണര്മാരായ ഗപ്റ്റില് 25ഉം മണ്രോ 24 ഉം റണ്സെടുത്ത് പുറത്തായി. ജെയിംസ് നീഷം 25 റണ്സും കോളിന് ഡെ ഗ്രാന്ഡ്ഹോം 15 റണ്സും നേടി. ഷാകിബ്, മെഹ്ദി ഹസന്,മൊസാദെക് ഹുസൈന്, സെയിഫുദ്ദീന് എന്നിവര് ബംഗ്ലാദേശിന് വേണ്ടി രണ്ട് വിക്കറ്റുകള് വീതം വീഴ്ത്തി.
നേരത്തെ നാല് വിക്കറ്റ് നേടിയ മാറ്റ് ഹെന്റിയാണ് ബംഗ്ലാദേശിനെ 244 റണ്സില് ഒതുക്കിയത്. തമീം ഇക്ബാലും (24) സൗമ്യ സര്ക്കാരും (25) ചേര്ന്ന് നൽകിയ തുടക്കം ബംഗ്ലാദേശിനെ തുണച്ചില്ല. മുഷ്ഫിക്കുര് റഹിം(19), മുഹമ്മദ് മിഥുന്(26), മഹമ്മദുള്ള(20) എന്നിവരെല്ലാം ലഭിച്ച തുടക്കം അധികം തുടരാനാകാതെ പുറത്താകുകയായിരുന്നു.
Post Your Comments