തിരുവനന്തപുരം : സംഗീതജ്ഞൻ ബാലഭാസ്കറിന്റെ മരണവുമായി ബന്ധപ്പെട്ട് അദ്ദേഹത്തിന്റെ സാമ്പത്തിക ഇടപാടുകൾ ക്രൈംബ്രാഞ്ച് പരിശോധിക്കുന്നു.ആദായനികുതി വകുപ്പിൽനിന്ന് രേഖകൾ ലഭിക്കാൻ ക്രൈംബ്രാഞ്ച് കത്ത് നൽകി.
അതേസമയം ബാലഭാസ്കറിന്റെ ഡ്രൈവര്‍ അര്‍ജുന്‍ കേരളം വിട്ടെന്ന് ക്രൈംബ്രാഞ്ച് കണ്ടെത്തി. അസമിലേക്കാണ് അര്‍ജുന്‍ പോയിരിക്കുന്നത്.അപകടത്തിൽ പരിക്കേറ്റ ഒരാൾ ഇത്രയും ദൂരം യാത്രപോയതിൽ ദുരൂഹതയുണ്ടെന്ന് അന്വേഷണ സംഘത്തിന് വ്യക്തമായി.ഫോറൻസിക് ഫലം ലഭിച്ചതിന് ശേഷം അർജുനെ ചോദ്യം ചെയ്യും.പൂന്തോട്ടം ആശുപത്രി ഉടമയുടെ മകൻ ജിഷ്ണുവിന്റെ മൊഴിയെടുക്കാനായില്ല. ജിഷ്ണുവും സ്ഥലത്തില്ലെന്ന് ക്രൈംബ്രാഞ്ച് വ്യക്തമാക്കി. എന്നാൽ ജിഷ്ണു ഹിമാലയ യാത്രയ്ക്ക് പോയതാണെന്ന് മാതാപിതാക്കൾ പറഞ്ഞു.
അപകടത്തിൽപ്പെട്ട വാഹനം ഓടിച്ചത് അമിത വേഗതയിലെന്ന് പോലീസ് കണ്ടെത്തി. തൃശൂരിൽനിന്ന് പുറപ്പെടുമ്പോൾ വാഹനം ഓടിച്ചത് അർജുൻ തന്നെയാണ് വാഹനം മോട്ടോർ വാഹന വകുപ്പിന്റെ ക്യാമറയിൽ കുടുങ്ങി.ഒരു മണിക്ക് പുറപ്പെട്ട വാഹനം മൂന്ന് മണിക്ക് പള്ളിപ്പുറത്തെത്തി.
Post Your Comments