ഞാനടക്കമുള്ള രാഷ്ട്രീയപ്രവർത്തകർ വ്യാജ പ്രചാരണങ്ങൾക്ക് ഇരയാകുന്നു; സമ്ബത്തിന് പിന്തുണയുമായി ശബരീനാഥന്‍

ആറ്റിങ്ങൽ എംപിയായിരുന്ന ശ്രീ സമ്പത്തിന്റെ വാഹനത്തിന്റെ ഫോട്ടോ എന്ന തരത്തിൽ സമൂഹമാധ്യമങ്ങളിൽ വ്യജ പ്രചരണം നടക്കുകയാണ്. പ്രമുഖ രാഷ്ട്രീയ നേതാക്കളും ഫോട്ടോയിലുണ്ട് . സംഭവത്തിൽ ആറ്റിങ്ങൽ മുൻ എംപി ശ്രീ സമ്പത്തിന് പിന്തുണയുമായി രംഗത്തെത്തിയിരിക്കുകയാണ് എംഎല്‍എ കെഎസ് ശബരീനാഥന്‍.

ആറ്റിങ്ങൽ എംപിയായിരുന്ന ശ്രീ സമ്പത്തിന്റെ വാഹനത്തിന്റെ ഒരു ഫോട്ടോ രാവിലെ മുതൽ പ്രചരിക്കുകയാണ്. അത് കണ്ടപ്പോഴേ സാമാന്യയുക്തിക്ക് ചേരാത്തതാണെന്ന് തോന്നിയിരുന്നു. ഈ ചിത്രം ഫോട്ടോഷോപ്പ് ചെയ്തതാണെന്ന് ഇപ്പോൾ അറിയുന്നു. ഞാനടക്കമുള്ള രാഷ്ട്രീയപ്രവർത്തകർ ഇത്തരത്തിലുള്ള വ്യാജ പ്രചാരണങ്ങൾക്ക് നിരന്തരം ഇരയാകാറുണ്ട്, അതിന്റെ വിഷമം ഉള്ളിലൊതുക്കി പോവുകയാണ് പലപ്പോഴും ചെയ്യുന്നത്.നമുക്ക് വിഷയങ്ങൾ പൊളിറ്റിക്കലായി ചർച്ച ചെയ്യാം, അതിൽ തെറ്റില്ല.

പക്ഷേ ഇത്തരത്തിലുള്ള കാര്യങ്ങൾ ശരിയാണോ എന്ന് ഉറപ്പുവരുത്താതെ പ്രചരിപ്പിക്കുന്നത് നമുക്കാർക്കും ഭൂഷണമല്ല. Responsible driving എന്നതുപോലെ Responsible social media എന്നൊരു ക്യാമ്പയിൻ തുടങ്ങുന്നത് നല്ലതായിരിക്കും.