Latest NewsIndia

50 രൂപ പിരിവ് കൊടുത്തില്ല: 85 കാരനെ അടിച്ചുകൊന്നു

ഡൽഹി : 50 രൂപ പിരിവ് കൊടുത്തില്ലെന്ന പേരിൽ 85 കാരനെ അടിച്ചുകൊന്നു.ഡൽഹിയിലെ ലെ ഉത്തം നഗർ മാർക്കറ്റിലാണ് സംഭവം നടന്നത്. സംഭവത്തിൽ പ്രതിയും ചരിത്ര പോസ്റ്ററുകൾ വിൽക്കുന്നയാളുമായ മുകേഷ് കുമാർ എന്നയാളെ പൊലീസ് അറസ്റ്റ് ചെയ്തു.

തെരുവിൽ കച്ചവടം നടത്താനുള്ള സ്റ്റാൾ ഇടുന്നതിന് സമീപത്തെ കച്ചവടക്കാരൻ ആവശ്യപ്പെട്ട 50 രൂപ നൽകാൻ വിസമ്മതിച്ചതിനാണ് ബക്ഷി എന്ന വൃദ്ധനെ കൊലപ്പെടുത്തിയത്. ഇവിടെ ആഴ്ച ചന്തയിൽ തന്റെ സ്റ്റാൾ ഇടാനാണ് 85 വയസ് പ്രായമുണ്ടായിരുന്ന ബക്ഷി പോയത്. എന്നാൽ ഇവിടെ വ്യാപാരം നടത്തുന്നതിന് 50 രൂപ ഓരോ ആളിൽ നിന്നും മുകേഷ് കുമാർ ആവശ്യപ്പെടുകയായിരുന്നു.

ആക്രമണം നടക്കുന്നത് കണ്ടതോടെ മറ്റ് കച്ചവടക്കാർ ഇടപെട്ട് മുകേഷിനെ ശാന്തനാക്കി മടക്കിയയച്ചു. അരമണിക്കൂറിന് ശേഷം തിരികെ ഇതേ സ്ഥലത്തെത്തിയ മുകേഷ് വീണ്ടും ബക്ഷിയോട് ദേഷ്യപ്പെട്ടു. ഇരുവരും തമ്മിലുള്ള വാക്കുതർക്കം കൈയ്യാങ്കളിയിലേക്ക് നീങ്ങി. പെട്ടെന്ന് സമീപത്തുണ്ടായിരുന്ന ഒരു വടിയെടുത്ത് ബക്ഷിയുടെ തലയ്ക്ക് അടിച്ച് മുകേഷ് കൊലപ്പെടുത്തുകയായിരുന്നു.ആക്രമണം നടത്തുമ്പോൾ പ്രതി ലഹരി മരുന്ന് കഴിച്ചിട്ടുണ്ടായിരുന്നെന്ന് പോലീസ് വ്യക്തമാക്കി.

Tags

Post Your Comments


Back to top button
Close
Close