ച​ന്ദ്ര​യാ​ന്‍-2 പ​ദ്ധ​തി​ക്കാ​യു​ള്ള ശാ​സ്ത്ര​ജ്ഞ​രു​ടെ പ്രയത്നം രാ​ജ്യ​ത്തി​നാ​കെ പ്ര​ചോ​ദ​ന​മേ​കു​ന്ന​താ​ണെ​ന്ന് രാ​ഹു​ല്‍ ഗാന്ധി

ന്യൂ​ഡ​ല്‍​ഹി: ഇന്ത്യയുടെ അഭിമാന ദൗത്യമായ ച​ന്ദ്ര​യാ​ന്‍-2 പ​ദ്ധ​തിയിൽ പങ്കെടുത്ത ശാ​സ്ത്ര​ജ്ഞരെ അഭിനന്ദിച്ച് കോൺഗ്രസ്സ് നേതാവും വയനാട് എംപിയുമായ രാഹുൽ ഗാന്ധി. ച​ന്ദ്ര​യാ​ന്‍-2 ദൗത്യത്തിന് വേണ്ടിയുള്ള ശാ​സ്ത്ര​ജ്ഞ​രു​ടെ പ്രയത്നം രാ​ജ്യ​ത്തി​നാ​കെ പ്ര​ചോ​ദ​ന​മേ​കു​ന്ന​താ​ണെ​ന്ന് രാ​ഹു​ല്‍ പ​റ​ഞ്ഞു. ഡ​ല്‍​ഹി മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളും ശാ​സ്ത്ര​ജ്ഞ​രെ അ​ഭി​ന​ന്ദി​ച്ച്‌ രം​ഗ​ത്തെ​ത്തിയിരുന്നു.

Congratulations to the team at #ISRO for their incredible work on the Chandrayaan 2 Moon Mission. Your passion & dedication is an inspiration to every Indian. Your work is not in vain. It has laid the foundation for many more path breaking & ambitious Indian space missions. 🇮🇳

— Rahul Gandhi (@RahulGandhi) September 6, 2019

രാ​ഷ്ട്ര​പ​തി രാം​നാ​ഥ് കോ​വി​ന്ദും പ്ര​ധാ​ന​മ​ന്ത്രി ന​രേ​ന്ദ്ര​മോ​ദി​യും ശാ​സ്ത്ര​ജ്ഞ​രെ അഭിനന്ദിച്ചു. ഇതുവരെ എത്തിയത് ചെറിയ നേട്ടമല്ല രാജ്യം നിങ്ങളെ ഓര്‍ത്ത് അഭിമാനിക്കുന്നുവെന്നായിരുന്നു പ്രധാനമന്ത്രി പറഞ്ഞത്. ധീരമായി മുന്നേറുക. നിങ്ങളിലൂടെ ഒട്ടേറെ കാര്യങ്ങള്‍ ഞങ്ങള്‍ പഠിച്ചു. ഉയര്‍ച്ചയും താഴ്ചയും ജീവിതത്തിന്റെ ഭാഗമാണെന്നും, പ്രതീക്ഷ കൈവിടാതിരിക്കുകയെന്നും അദ്ദേഹം പറഞ്ഞു. അതേസമയം ച​ന്ദ്ര​യാ​ന്‍-2 ദൗത്യവുമായി ബന്ധപെട്ടു പ്ര​ധാ​ന​മ​ന്ത്രി ന​രേ​ന്ദ്ര​മോ​ദി ഇന്ന് രാജ്യത്തെ അ​ഭി​സം​ബോ​ധ​ന ചെയ്യും. ബം​ഗ​ളൂ​രു​വി​ലെ ഐ​എ​സ്‌ആ​ര്‍​ഒ കേ​ന്ദ്ര​ത്തി​ല്‍​ നിന്ന് രാ​വി​ലെ എ​ട്ടി​നായിരിക്കും രാ​ജ്യ​ത്തെ അ​ഭി​സം​ബോ​ധ​ന ചെ​യ്യു​ക​.

Also read : ചന്ദ്രയാൻ 2: ഓർബിറ്ററും, ലാൻഡറും തമ്മിലുള്ള ആശയവിനിമയം നടക്കുന്നുണ്ടോയെന്ന് ഇസ്രോ പരിശോധിക്കുന്നു

ഇന്ത്യയുടെ അഭിമാന പദ്ധതിയായ ചന്ദ്രയാൻ-2 ദൗ​ത്യ​ത്തി​ല്‍ പ​ങ്കെ​ടു​ത്ത ശാ​സ്ത്ര​ജ്ഞർക്ക് അഭിനന്ദനവുമായി രാ​ഷ്ട്ര​പ​തി രാം​നാ​ഥ് കോ​വി​ന്ദ് ട്വീറ്റ് ചെയ്തു. ഐ​എ​സ്‌ആ​ര്‍​ഒ രാ​ജ്യ​ത്തി​ന്‍റെ അ​ഭി​മാ​ന​മാ​ണെന്നും ച​ന്ദ്ര​യാ​ന്‍-2 പ​ദ്ധ​തി​യി​ല്‍ ശാ​സ്ത്ര​ജ്ഞ​ര്‍ അ​സാ​മാ​ന്യ ധൈ​ര്യ​വും സ​മ​ര്‍​പ്പ​ണ​വും പ്ര​ക​ടി​പ്പി​ച്ചുവെന്നും അദ്ദേഹം പറഞ്ഞു.