ഭുവനേശ്വര്‍: ഒഡീഷയില്‍ വൻ തുകയുടെ കഞ്ചാവ് പിടിച്ചു. സംഭവത്തില്‍ രണ്ട് പേരെ പോലീസ് അറസ്റ്റ് ചെയ്തു. മല്‍ക്കാന്‍ഗിരിയില്‍ പോലീസ് നടത്തിയ പരിശോധനയില്‍ 1500 കിലോ ഗ്രാം കഞ്ചാവ് പിടികൂടി. സിമന്റ് കൊണ്ടുപോകുകയായിരുന്ന ട്രക്കില്‍ ഒളിപ്പിച്ച് കടത്താന്‍ ശ്രമിച്ച കഞ്ചാവാണ് പിടികൂടിയത്.
ALSO READ: ആരോപണം പൊയ് വെടിയാണെന്ന് പറഞ്ഞ ജലീല്‍ നാളെ പശ്ചാത്തപിക്കേണ്ടി വരും; രമേശ് ചെന്നിത്തല
വാഹന പരിശോധനക്കിടെ കൈ കാണിച്ചിട്ടും നിര്‍ത്താതെ പോയ വാഹനം പോലീസ് പിന്തുടര്‍ന്ന് പിടികൂടുകയായിരുന്നു. സംഭവത്തില്‍ പോലീസ് അന്വേഷണം ആരംഭിച്ചു. ആന്ധ്രാപ്രദേശില്‍ നിന്ന് അംഗുല്‍ ജില്ലയിലേക്ക് കടത്താന്‍ ശ്രമിക്കവെയാണ് കഞ്ചാവ് കണ്ടെത്തിയത്.
മാവോയിസ്റ്റ് ഭീകരരുടെ സ്ഥിരം താവളമായ മല്‍ക്കാന്‍ ഗിരിയില്‍ നിന്നും മിക്ക ദിവസങ്ങളിലും കഞ്ചാവ് പിടിച്ചെടുക്കാറുണ്ട്. ഈ വര്‍ഷം മാത്രം ഒഡീഷയില്‍ 19,744 കിലോ ഗ്രാം കഞ്ചാവാണ് പിടികൂടിയത്. ഇതില്‍ 191 പേരെ പോലീസ് അറസ്റ്റ് ചെയ്തതായി ഡിജിപിയുടെ ഓഫീസ് വ്യക്തമാക്കി.
Post Your Comments