തിരുവനന്തപുരം: മാവോവാദികള്‍ ആട്ടിന്‍കുട്ടികളും പരിശുദ്ധാത്മാക്കളുമല്ലെന്ന് മുഖ്യമന്ത്രി. യു.എ.പി.എ അറസ്റ്റില്‍ അടിയന്തരപ്രമേയ അനുമതി തേടി തിരുവഞ്ചൂര്‍ രാധാകൃഷ്ണന്‍ നല്‍കിയ നോട്ടീസിന് മറുപടി പറയുകയായിരുന്നു മുഖ്യമന്ത്രി. കീഴടങ്ങാന്‍ വന്നവരെയല്ല വെടിവെച്ചുകൊന്നത്. കീഴടങ്ങാന്‍ വന്നവരെ കസ്റ്റഡിയിലെടുത്ത് വെടിവെച്ചുകൊന്നെന്ന് പറഞ്ഞ് മാവോവാദികളെ പരിശുദ്ധരാക്കാന്‍ ശ്രമിക്കേണ്ട. ആട്ടിന്‍കുട്ടികളല്ല അവര്‍. പൊലീസിന് വെടിയേല്‍ക്കാത്തതായിരുന്നു ആദ്യത്തെ പ്രശ്‌നം. കാലൊടിഞ്ഞവരെ വെടിവെച്ചുകൊന്നു എന്നാണ് ഇപ്പോഴത്തെ വാദം. എന്തിനാണ് ഇവരെ പവിത്രീകരിക്കാനും പരിശുദ്ധാത്മാക്കളുമാക്കാന്‍ ശ്രമിക്കുന്നതെന്നും മുഖ്യമന്ത്രി ചോദിക്കുകയുണ്ടായി.
കീഴടങ്ങാന്‍ തയാറായ മണിവാസകത്തെ തലയില്‍ വെടിവെച്ചത് ശരിയാണോയെന്ന് വ്യക്തമാക്കണമെന്നായിരുന്നു തിരുവഞ്ചൂര്‍ രാധാകൃഷ്ണന്റെ ആവശ്യം. വ്യാജ ഏറ്റുമുട്ടല്‍ മാത്രമല്ല വ്യാജതെളിവും ഉണ്ടാക്കിയതായി സി.പി.ഐ പറയുന്നു. ഇതൊക്കെ ചെയ്ത ഏതെങ്കിലും പൊലീസുകാര്‍ക്കെതിരെ നടപടിയെടുത്തോയെന്നും തിരുവഞ്ചൂര്‍ ചോദിച്ചു.
Post Your Comments