KeralaLatest NewsNews

വാഹന പരിശോധന കണ്ട് ബൈക്ക് യാത്രക്കാരന്‍ നിര്‍ത്താതെ പാഞ്ഞു പോയി : എന്നാല്‍ വീട്ടിലെത്തിയപ്പോള്‍ യുവാവിനെ ഞെട്ടിച്ച സംഭവം ഇങ്ങനെ

തൃശൂര്‍ : വാഹന പരിശോധന കണ്ട് ബൈക്ക് യാത്രക്കാരന്‍ നിര്‍ത്താതെ പാഞ്ഞു പോയി, എന്നാല്‍ വീട്ടിലെത്തിയപ്പോള്‍ യുവാവിനെ ഞെട്ടിച്ച സംഭവം പരിശോധനയ്ക്ക് നിന്നിരുന്ന ഉദ്യോഗസ്ഥര്‍ അതാ വീട്ടില്‍ കാത്തുനില്‍ക്കുന്നു. കോടാലി സ്വദേശി അഖിലിനാണ് മോട്ടോര്‍ വാഹന വകുപ്പില്‍ നിന്നും നിനച്ചിരിയ്ക്കാതെ പണി കിട്ടിയത്. സ്മാര്‍ട്ട് ട്രേസര്‍ വഴി വിലാസം കണ്ടെടുത്ത വാഹന പരിശോധന ഉദ്യോഗസ്ഥര്‍ വീട്ടിലെത്തി കുറച്ചു സമയം കാത്തിരുന്ന ശേഷമാണ് അഖില്‍ എത്തിയത്. 10,000 രൂപ പിഴ ഈടാക്കുകയും ചെയ്തു. വാഹന പരിശോധനയ്ക്കിടെ നിര്‍ത്താതെ പോകുകയോ അപകടകരമായി വാഹനം ഓടിച്ചു പിടികൂടുകയോ ചെയ്യുന്നവരെ ഒരാഴ്ച താലൂക്ക് ആശുപത്രിയില്‍ സന്നദ്ധ സേവനത്തിനും നിയോഗിക്കും. ഇത്തരത്തില്‍ മൂന്നു പേരെ ആശുപത്രി സേവനത്തിനായി നിയോഗിച്ചതായി ഉദ്യോഗസ്ഥര്‍ അറിയിച്ചു.

read also : സംസ്ഥാനത്ത് വാഹന പരിശോധന കര്‍ശനം : പുതുക്കിയ പിഴത്തുക വീണ്ടും ഓര്‍മപ്പെടുത്തി ഗതാഗത വകുപ്പ്

ഇരുചക്ര വാഹനങ്ങള്‍ അപകടത്തില്‍ പെടുന്നതും യാത്രികര്‍ക്കു പരുക്കേല്‍ക്കുന്നതും മരണം സംഭവിക്കുന്നതും പെരുകിയതോടെയാണ് മോട്ടോര്‍ വാഹന വകുപ്പ് ഹെല്‍മറ്റ് വേട്ട ശക്തമാക്കിയത്. ഇന്നലെ ഹെല്‍മറ്റ് ധരിക്കാത്തതിനു 15 ബൈക്കുകള്‍ പിടികൂടി. ബൈക്കുകള്‍ ഓടിച്ചവരുടെ ലൈസന്‍സ് താല്‍ക്കാലികമായി സസ്പെന്‍ഡ് ചെയ്യാന്‍ ശുപാര്‍ശ ചെയ്തു. ഇവരുടെ ലൈസന്‍സ് 3 മുതല്‍ 6 മാസം വരെ റദ്ദാക്കുമെന്ന് ഉദ്യോഗസ്ഥര്‍ വ്യക്തമാക്കി.

shortlink

Related Articles

Post Your Comments

Related Articles


Back to top button