താല്‍ക്കാലിക വിസാ നിരോധനം ഏര്‍പ്പെടുത്തി ഗള്‍ഫ് രാജ്യം

മസ്‌കറ്റ്: നിർമാണ, ശുചീകരണ ജോലികൾ കൈകാര്യം ചെയ്യുന്ന സ്വകാര്യ മേഖലയിലെ സ്ഥാപനങ്ങൾക്ക് വിസ നൽകുന്നത് മനുഷ്യശേഷി മന്ത്രാലയം ആറുമാസത്തേക്ക് നിർത്തിവച്ചു.

നൂറിലധികം തൊഴിലാളികളുള്ള കമ്പനികൾക്ക് തീരുമാനം ബാധകമല്ലെന്ന് മന്ത്രാലയം തിങ്കളാഴ്ച പുറത്തിറക്കിയ പ്രസ്താവനയിൽ പറഞ്ഞു.

നിർമാണ, ശുചീകരണ ജോലികളിൽ ഏർപ്പെട്ടിരിക്കുന്ന സ്വകാര്യമേഖല സ്ഥാപനങ്ങളിൽ ഒമാനി ഇതര തൊഴിലാളികളെ നിയമിക്കുന്നതിനുള്ള അംഗീകാരം ആറുമാസത്തേക്ക് താൽക്കാലികമായി നിർത്തിവയ്ക്കും. ഔട്ട്‌ഗോയിംഗ്‌ അലവൻസോടെ പെർമിറ്റ് തുടരും.

100 തൊഴിലാളികളോ അതിൽ കൂടുതലോ തൊഴിലാളികൾ ജോലി ചെയ്യുന്ന സ്ഥാപനങ്ങൾ, സർക്കാർ പദ്ധതികൾ നടപ്പിലാക്കുന്നതിൽ പ്രവർത്തിക്കുന്ന സ്ഥാപനങ്ങൾ, ചെറുകിട വികസനത്തിനായി പബ്ലിക് അതോറിറ്റിയിൽ രജിസ്റ്റർ ചെയ്തിട്ടുള്ള മുഴുവൻ സമയ തൊഴിലുടമകളുടെ ഉടമസ്ഥതയിലുള്ള സ്ഥാപനങ്ങൾ എന്നിവയ്ക്ക് തീരുമാനം ബാധകമല്ല. കൂടാതെ മീഡിയം എന്റർപ്രൈസസ് സ്ഥാപനങ്ങങ്ങള്‍ക്കും ലോക വിഭാഗത്തിൽ രജിസ്റ്റർ ചെയ്തിട്ടുള്ളതും സ്വതന്ത്ര മേഖലയില്‍ പ്രവര്‍ത്തിക്കുന്ന സ്ഥാപനങ്ങള്‍ക്കും തീരുമാനം ബാധകമല്ല.