ഷാര്‍ജ•മകനോട് വീട്ടിലേക്ക് മടങ്ങാന്‍ അഭ്യർത്ഥിക്കുന്ന വാട്ട്സ്ആപ്പ് വോയ്‌സ് നോട്ട് റെക്കോർഡിംഗുകൾ കൈമാറി തെരച്ചില്‍ വ്യാപിപ്പിച്ച് ഷാർജയിൽ കാണാതായ മലയാളി വിദ്യാര്‍ത്ഥിയുടെ മാതാപിതാക്കള്‍. 15 കാരനായ അമേയ സന്തോഷിനെ കാണാതായിട്ട് ഞായറാഴ്ച രാവിലെ 48 മണിക്കൂര്‍ പിന്നിട്ട സാഹചര്യത്തിലാണ് മാതാപിതാക്കൾ തങ്ങളുടെ മകനെ കണ്ടെത്താനുള്ള ശ്രമത്തിന്റെ ഭഗമായി വാട്ട്സ്ആപ്പ് കാമ്പെയ്‌ൻ ആരംഭിച്ചത്.
സയന്‍സ് കോച്ചിംഗ് ക്ലാസിനായി പിതാവ് വെള്ളിയാഴ്ച ഒരു സ്വകാര്യ അദ്ധ്യാപകന്റെ അടുത്ത് കൊണ്ടുവിടുമ്പോഴാണ് കൗമാരക്കാരനെ അവസാനമായി കണ്ടത്. എന്നാല്‍ അമേയ ക്ലാസിൽ എത്തിയിട്ടില്ല എന്ന് പിന്നീട് മനസിലാക്കാന്‍ കഴിഞ്ഞു.
‘വാട്‌സ്ആപ്പിൽ റെക്കോർഡുചെയ്‌ത സന്ദേശങ്ങൾ ഞാൻ അയച്ചിട്ടുണ്ട്. അവന്‍ അത് കേട്ട് വീട്ടിലേക്ക് മടങ്ങിവരുമെന്ന പ്രതീക്ഷയിലാണ്. എനിക്ക് മറ്റൊന്നും ആവശ്യമില്ല, അദ്ദേഹത്തെ കണ്ടെത്തുന്നതിൽ എല്ലാവരുടെയും ഏകോപനം മാത്രമേ ഞാൻ ആഗ്രഹിക്കുന്നുള്ളൂ’- ദുഖിതയായ മാതാവ് ബിന്ദു പറഞ്ഞു.
മാതാപിതാക്കളായ ബിന്ദുവുഉം സന്തോഷ്‌ രാജനും കേരളത്തില്‍ നിന്നുള്ളവരാണെങ്കിലും മഹാരാഷ്ട്രയിലെ പൂനെയിലാണ് സ്ഥിരതാമസം.
മകനെ കണ്ടെത്താന്‍ സമൂഹത്തിന്റെ സഹായം അഭ്യർത്ഥിച്ച് മാതാപിതാക്കള്‍ മലയാളത്തിന് പുറമേ ഇംഗ്ലീഷിലും സന്ദേശങ്ങള്‍ കൈമാറിയിട്ടുണ്ട്. നേരത്തെ അമേയയെ കണ്ടെത്തിയതായി ചില വാട്സ്ആപ്പ് ഗ്രൂപ്പുകളില്‍ അഭ്യൂഹങ്ങള്‍ പ്രചരിച്ചിരുന്നു. എന്നാല്‍ ഇത് തെറ്റാണെന്നും തന്റെ മകനെ ഇപ്പോഴും കാണാനില്ലെന്നും ബിന്ദു പറഞ്ഞു. മകനെ കണ്ടെത്താന്‍ കുടുംബം ഷാർജ പോലീസുമായി ചേര്‍ന്ന് പ്രവർത്തിക്കുകയാണ്.
ഒരു തത്ത പച്ച ടി-ഷർട്ട്, നേവി ബ്ലൂ നിറത്തിലുള്ള ത്രീ-ഫോര്‍ത്ത് പാന്റ്സ്, കറുത്ത ബാക്ക്പാക്ക് എന്നിവയാണ് അമേയ അവസനമായി അണിഞ്ഞിരുന്നത്. 10 ദിര്‍ഹത്തിലധികം പണവും കൈവശമുണ്ടായിരുന്നതായി സംശയമുണ്ടെന്നും ബിന്ദു പറഞ്ഞു. മകന്റെ കൈയില്‍ ഒരു മൊബൈല്‍ ഫോണ്‍ ഉണ്ടായിരുന്നുവെങ്കിലും കാണാതായതുമുതൽ അത് സ്വിച്ച് ഓഫ് ആണ്.
Post Your Comments